პორტუგალია კრიპტოვალუტის მოგებაზე 28%-იან გადასახადს შემოიღებს
პორტუგალიის მთავრობამ კრიპტოვალუტებთან მიმართებაში სახელმწიფოს ახალი საგადასახადო პოლიტიკა წარადგინა, რომელიც 2023 წელს ეროვნული ბიუჯეტის ფარგლებში უნდა ამოქმედდეს.
მაკროეკონომიკური სტრატეგიისა და ფისკალური პოლიტიკის დოკუმენტში ნათქვამია, რომ პორტუგალია კრიპტოვალუტებიდან წლის განმავლობაში მიღებულ მოგებაზე 28%-იანი გადასახადის დაწესებას აპირებს.
გარდა ამისა, ქვეყნის ხელისუფლება კრიპტოვალუტით ნებისმიერ ტრანზაქციაზე 4%-იანი გადასახადის შემოღებას გეგმავს.
ინიციატივა კრიპტოვალუტის ინდუსტრიის სხვებთან გათანაბრებას და მასთან შემდგომი მუშაობის საფუძვლის ჩაყრას ისახავს მიზნად. ამჟამად 28%-იანი გადასახადი პორტუგალიაში სტანდარტულ მოგების გადასახადს უტოლდება.
კანონპროექტი ახლა განხილვის პროცესშია. ჯერ კიდევ მაისში, ქვეყნის ფინანსთა მინისტრმა ფერნანდო მედინამ (Fernando Medina) განაცხადა, რომ პორტუგალიას კრიპტოვალუტებთან დაკავშირებით საკუთარი საგადასახადო პოლიტიკა ექნება. თუმცა, კონგრესმა ციფრულ ვალუტებზე საშემოსავლო გადასახადის დაწესების წინადადება უარყო.
მოქნილ სავიზო და საიმიგრაციო, ასევე გამარტივებული საგადასახადო პოლიტიკის გამო, პორტუგალია არა მხოლოდ კრიპტოვალუტის მფლობელებისთვის, არამედ ჩვეულებრივი ბიზნესმენებისთვისაც მიმზიდველი ქვეყანაა.
მანამდე გავრცელდა ინფორმაცია, რომ პორტუგალიის ცენტრალური ბანკი ქვეყნისთვის კრიპტოვალუტის სერვისების მიწოდების 12 განაცხადს განიხილავს. განმცხადებელ კომპანიებს შორისაა ბირჟა Binance -იც.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)