ბრიტანეთი კრიპტოვალუტის კონფისკაციის პროცედურას ამარტივებს
ანტიტერორისტული ღონისძიებების ფარგლებში გაერთიანებული სამეფოს ხელისუფლებას კანონმდებლობაში ისეთი ცვლილებების შეტანა სურს,
რომლებიც სამართალდამცავ ორგანოებს საშუალებას მისცემს კრიპტოაქტივების კონფისკაცია უფრო ადვილად მოახდინონ.
შესაბამისი ჩასწორებები ეკონომიკური დანაშაულის შესახებ კანონში უკვე განიხილება და ანალოგიური ცვლილებების შეტანა ახლა უკვე 2000 წლის ტერორისტული დანაშაულების შესახებ კანონში და 2001 წლის ტერორიზმთან ბრძოლის კანონშიც იგეგმება.
„შესწორებების შეტანა იმისთვის ხდება, რათა ჩვენს სამართალდამცავ ორგანოებს, ანტიტერორისტული ქვედანაყოფების ჩათვლით, ჰქონდეთ ყველა საჭირო უფლებამოსილება დაპატიმრებისთვის და ისეთი კრიპტოაქტივების გაყინვისა და კონფისკაციისთვის, რომლებიც შესაძლოა ტერორისტული მიზნებისთვის იყო ან შესაძლოა ყოფილიყო გამოყენებული.“- განაცხადა დიდი ბრიტანეთის შინაგან საქმეთა სამინისტროს წარმომადგენელმა.
შინაგან საქმეთა მინისტრმა სუელა ბრავერმანმა (Suella Braverman) კი აღნიშნა, რომ კრიპტოვალუტები როგორც ეკონომიკურ დანაშაულებებში,
ისე ტერორიზმის პოპულარიზაციისთვის სულ უფრო ხშირად გამოიყენება. ამიტომ, დანაშაულთან ეფექტური ბრძოლისთვის აუცილებელია სამართალდამცავ უწყებებს ყველა საჭირო ინსტრუმენტი მიეწოდოთ.
ბრიტანული საიტის VoucherCodes-ის ბოლოდროინდელმა კვლევამ აჩვენა, რომ გაერთიანებული სამეფოს მაცხოვრებლების 34% ციფრული აქტივების გარკვეულ ფორმას ფლობს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)