Twitter კრიპტო საფულის შექმნაზე აღარ იმუშავებს
კომპანიის ახალი მფლობელი ილონ მასკი, წინა ადმინისტრაციის მიერ დაწყებული ზოგიერთი პროექტის განხორციელების დროებით გადავადებას ან მთლიანად დახურვას გეგმავს.
ხელმძღვანელობის შეცვლამდე Twitter-მა კრიპტოვალუტით გადახდების მხარდაჭერისა და საკუთარი კრიპტოვალუტის საფულის შექმნის შესახებ არაერთხელ განაცხადა.
სანამ აღმასრულებელი დირექტორის პოზიცია ჯეკ დორსის (Jack Dorsey) ეკავა, კომპანიამ რამდენიმე ფუნქცია დანერგა,
რომელთა მეშვეობით მომხმარებლებს პროფილების კრიპტოსაფულეებთან დაკავშირება და ასევე ავატარების სახით NFT ტოკენების დაყენება შეეძლოთ.
გაურკვეველი დროით შეჩერდა მუშაობა პროდუქტზე Twitter Notes, რომელიც პლატფორმაზე გრძელი ტექსტების დაწერის შესაძლებლობას იძლეოდა.
უახლოეს მომავალში დაიხურება ინფორმაციის გავრცელებისთვის განკუთვნილი პლატფორმა Revue.
მიუხედავად იმისა, რომ ახალ გუნდს საკუთარი კრიპტოვალუტის საფულის შემუშავებასთან დაკავშირებული გეგმები ოფიციალურად არ გაუხმაურებია, Twitter-თან დაახლოებული წყაროების თანახმად პროექტი, როგორც ჩანს, შეჩერებულია.
სამაგიეროდ, მასკის მიერ გარიგების დასრულებასთან დაკავშირებით, Twitter-ზე გამოყენების პერსპექტივის იმედით გასული კვირის განმავლობაში DOGE-ის ფასი თითქმის გაორმაგდა.
თუმცა მას შემდეგ, რაც ქსელში კრიპტოვალუტით გადახდებთან დაკავშირებული პროექტების განვითარებაზე მასკის თავშეკავებული დამოკიდებულების შესახებ გახდა ცნობილი, DOGE-ს ფასი 24%-ით -0,155$-დან 0,116 $-მდე დაეცა.
მასკის მიერ Twitter-ის შეძენასთან დაკავშირებით კომენტარი კრიპტოვალუტის ბირჟა FTX-ის აღმასრულებელმა დირექტომა სემ ბენკმენ-ფრიდმა (Sam Bankman-Fried) გააკეთა. მისი თქმით, სოციალური ქსელი Twitter-ის განვითარებაზე მისი ხედვა ამ ეტაპზე ილონ მასკის შეხედულებებს არ ემთხვევა.
ასევე, მისთვის გაუგებარია, როგორ აპირებს სოციალური ქსელი ბიზნეს მოდელში ბლოკჩეინისა და კრიპტოვალუტების დანერგავს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)