დროა FTX-ის დამფუძნებელმა ტვიტების წერა შეწყვიტოს

დროა FTX-ის დამფუძნებელმა ტვიტების წერა შეწყვიტოს 

მსოფლიოს უმსხვილესი კრიპტო ბირჟის აღმასრულებელი დირექტორი ტვიტერზე მის მიმართ გაკეთებულ კომენტარებს გამოეხმაურა და განაცხადა, რომ კრიპტოვალუტის ინდუსტრია კრივი არ არის და Binance კონკურენტებს, როგორც საბრძოლო ოპონენტებს არასოდეს ეპყრობოდა.

ცოტა ხნის წინ, გაკოტრებული ბირჟა FTX-ის აღმასრულებელმა დირექტორმა სემ ბენკმენ-ფრიდმა ტვიტების სერია FTX-ის იდუმალ „სპარინგ-მოწინააღმდეგეს“ მიუძღვნა, რომელმაც თავისი ქმედებებით ბირჟას მნიშვნელოვანი ზიანი მიაყენა, რამაც მისი კოლაფსი გამოიწვია. აუდიტორიამ გადაწყვიტა, რომ საუბარი ჩენპენ ჯაოზე (Changpeng Zhao) იყო, რადგან Binance-მა FTX-ის შესყიდვის გარიგებაზე უარი თქვა.

 Binance არ ცდილობს უფრო სუსტი პლატფორმების ჩაძირვას, არამედ ეხმარება მათ რთულ პირობებში გადარჩნენ, აღნიშნა ჯაომ საპასუხოდ.

მან ბენკმენ-ფრიდს ურჩია, ტვიტების წერის ნაცვლად პრობლემების გადაწყვეტაზე მოახდინოს კონცენტრირება.

„ბენკმენ-ფრიდი ტვიტების წერის ნაცვლად სულ სხვა რამით უნდა დაკავდეს. მე მას უკვე ვურჩიე ჩაიცვას კოსტუმი, წავიდეს ვაშინგტონში და კითხვებზე პასუხების გაცემა დაიწყოს.“

Binance-ის ხელმძღვანელმა კომენტარი ამერიკელი ეკონომისტის ნურიელ რუბინის (Nouriel Roubini) მიერ მისი მისამართით ბოლო დროს გამოთქმულ აგრესიულ განცხადებებზეც გააკეთა.

რუბინმა ჯაოს  „კრიპტოვალუტის კორუმპირებული  ეკოსისტემის ნაწილი“უწოდა.

ჯაომ თავის მხრივ უპასუხა, რომ პესიმისტებს უჭირთ ცხოვრებაში წარმატების მიღწევადა და რომ მას მსგავსი კრიტიკა არ აღელვებს.

ჯაოს თქმით, მისი ბირჟა მსოფლიოს წამყვან მარეგულირებლებთან თანამშრომლობს, ამიტომ მისი საქმიანობა ლეგალურია. ეს კი იმას ადასტურებს, რომ Binance კრიპტოვალუტის ინდუსტრიის „ნათელ მხარეს“ არის.

ახლახანს ჯაომ გამოუცდელ ინვესტორებს ბაზრის დასტაბილურებამდე ციფრულ აქტივებში ინვესტირებისგან თავის შეკავება ურჩია.