OpenSea BNB Chain-ის ინტეგრირებას მოახდენს

OpenSea BNB Chain-ის ინტეგრირებას მოახდენს

შეუცვლელი ტოკენების უმსხვილესი სავაჭრო პლატფორმის, OpenSea-ს დეველოპერებმა ღია საწყისი კოდის მქონე პროტოკოლ Seaport-ში  BNB Chain-ის ინტეგრირების შესახებ გამოაცხადეს.

OpenSea-ს გუნდი ირწმუნება, რომ  პლატფორმის მომხმარებლები BNB Chain-ის ქსელში შექმნილი NFT-ების შეძენას, გაყიდვასა და პლატფორმაზე განთავსებას წლის ბოლომდე შეძლებენ. პროტოკოლი Seaport  ტოკენების შემქმნელებს გადახდების მრავალჯერადი მიღებისა და კოლექციების მართვის შესაძლებლობას აძლევს.

დეველოპერების დაპირებით, ასეთი გადაწყვეტა მნიშვნელოვნად შეამცირებს ტრანზაქციების დამუშავების დანაკარგებს, ტრანზაქციის დადასტურებას გაამარტივებს და  ანგარიშის ინიციალიზაციის საფასურს გამორიცხავს.  პროტოკოლ Seaport -ის გამოყენება მიზნად ისახავს OpenSea-ს ლიდერის პოზიციის შენარჩუნებაში დაეხმაროს.

ამჟამად სავაჭრო პლატფორმა მხარს უჭერს NFT-ებს, რომლებიც  Ethereum, Polygon, Klaytn, Solana, Arbitrum, Avalanche და Optimism-ის ბლოკჩეინების ფუძეზეა შექმნილი. BNB Chain  Binance-ის პროდუქტების ერთ დეცენტრალიზებულ ქსელში გაერთიანების შედეგია. Binance Smart Chain (BSC)  Ethereum-თან თავსებად ბლოკჩეინს წარმოადგენს. მისი ფასეულობა ჭკვიანი კონტრაქტების შექმნასა და აქტიურ გამოყენებაში მდგომარეობს.

სავაჭრო მოცულობის მიხედვით საკოლექციო ტოკენების უდიდესმა პლატფორმამ ფუნქციონალის გაფართოებისა და მომხმარებლების მომსახურების გაუმჯობესების მიზნით აგვისტოში ბლოკჩეინ Polygon-ის მხარდაჭერაც დაამატა.