Binance საგანმანათლებლო პროგრამას იწყებს

Binance ბლოკჩეინისა და კრიპტოვალუტების შესახებ საგანმანათლებლო პროგრამას იწყებს

კრიპტოვალუტის ბირჟამ Binance საგანმანათლებლო პლატფორმა Master Class-თან პარტნიორობის შესახებ გამოაცხადა. პარტნიორობის შედეგად ბლოკჩეინისა და კრიპტოვალუტების შესახებ საგანმანათლებლო სემინარები გაიმართება.

კურსი 18 გაკვეთილისგან იქნება შედგენილი და ბლოკჩეინის ფუნქციონირების ძირითადი პრინციპების, Web3-ის, დეცენტრალიზებულ ფინანსების (DeFi), DAO-ს და სხვა საკითხების შესახებ ინფორმაციას მოიცავს. მომხსენებლებს შორის იქნებიან თავად Binance-ის აღმასრულებელი დირექტორი ჩენპენ ჯაო (Changpeng Zhao), კრიპტო ბირჟა Coinbase-ის პრეზიდენტი და გენერალური დირექტორი ემილი ჩოი (Emilie Choi), ვენჩურული საინვესტიციო კომპანია Andreessen Horowitz-ის გენერალური პარტნიორი და a16z Crypto-ს დამფუძნებელი კრის დიქსონი (Chris Dixon), ამერიკელი პუბლიცისტი და ნობელის პრემიის ლაურეატი ეკონომიკაში პოლ კრუგმანი (Paul Krugman).

„ცივილიზაციის განვითარებასთან ერთად აუცილებელი ხდება უახლესი ტექნოლოგიების გაგება, ისეთი ბიზნეს მოდელების შესაქმნელად, რომელთა არსებობაც მოძველებული ტრადიციული ფინანსების პირობებში შეუძლებელი იქნებოდა. “- განაცხადა ჩენპენ ჯაომ საგანმანათლებლო პროექტის შექმნის აუცილებლობაზე საუბრისას.

სექტემბერში, Binance-მა სასწავლო პროგრამა სამართალდამცავებისთვის აამოქმედა. დაპირების თანახმად, პროგრამა მათ კრიპტოვალუტებთან დაკავშირებული ფინანსური დანაშაულებების უფრო სწრაფად აღმოჩენაში უნდა დაეხმაროს.

მარტში კი Binance-მა პროექტი Binance Learn and Earn აამოქმედა.

მოცემულ პროექტში მომხმარებლების მოზიდვა მათთვის სწავლის პროცესში კრიპტო აქტივების გამომუშავების შესაძლებლობის შეთავაზებით მოხდა.