Binance აშშ-ს ბაზრის დატოვებას გეგმავს

Binance აშშ-ს ბაზრის დატოვებას გეგმავს

აშშ-ს მარეგულირებელი ორგანოების მხრიდან გაძლიერებული ყურადღების ფონზე, Binance Holdings ბაზრიდან გასვლას,

ასევე შეერთებული შტატების ბანკებთან და კრიპტო კომპანიებთან საქმიანი ურთიერთობის გაწყვეტას აპირებს.

ინფორმაცია თავდაპირველად ანონიმურ წყაროებზე დაყრდნობით Bloomberg-მა გაავრცელა.

Binance-ის აღმასრულებელი დირექტორის, ჩენპენ ჯაოს (Changpeng Zhao) განცხადებით,

შესაძლოა კრიპტოვალუტის ბირჟამ  შეერთებულ შტატებში არსებულ ყველა ბიზნეს პარტნიორთან ურთიერთობა შეწყვიტოს.

„ამ დროისთვის ზოგიერთ პოტენციურ ინვესტიციაზე და გაკოტრებული ამერიკული კომპანიებისთვის დახმარების გაწევაზე უარი ვთქვით. რეგულირების საკითხთან დაკავშირებით არსებული გაურკვევლობის გათვალისწინებით,  იმისთვის, რომ ჩვენს მომხმარებლებს ყოველგვარი შესაძლო რისკები ავარიდოთ, ჩვენ სხვა პროექტებს განვიხილავთ.“

Bloomberg-ის წყაროები ირწმუნებიან, რომ Binance-ის წარმომადგენლები სამომავლოდ შეერთებული შტატების ტერიტორიაზე  ვენჩურული ინვესტიციების გადახედვასა და ლისტინგებიდან ამერიკული ტოკენების (მათ შორის სტეიბლკოინ Circle USD Coin- ის (USDC)) ამოღებას გეგმავენ.

Binance Holdings-ის მიერ ამერიკული ბაზრის დატოვების შესახებ ხმები მას შემდეგ გავრცელდა,

რაც სააგენტო Reuters-მა კრიპტო ბირჟის მიერ შტატებში ოპერირების ლიცენზიის არქონის პირობებში, Binance US-ის კუთვნილი ანგარიშებიდან 400 მილიონი დოლარის ფარულად გადარიცხვის შესახებ გამოაცხადა.

გადარიცხვის ბენეფიციარი კრიპტო ბირჟის ხელმძღვანელის, ჩენპენ ჯაოს საკუთრებაში მყოფი კომპანია აღმოჩნდა.