მარეგულირებლები მხარს  კრიპტოსამყაროს ცუდ ბიჭებს უჭერენ

მარეგულირებლები მხარს  კრიპტოსამყაროს „ცუდ ბიჭებს“ უჭერენ

კრიპტოვალუტის ბირჟა Kraken-ის აღმასრულებელი დირექტორის განაცხადებით, აშშ-ს ფინანსური მარეგულირებლები მხარს მხოლოდ იმ ბიზნესმენებსა და სტარტაპებს უჭერენ, რომლებიც კრიპტოვალუტის სამყაროს განადგურებას ცდილობენ.

„ცუდი ბიჭები უზარმაზარი კონკურენტული უპირატესობებით მოქმედებენ. ისინი მომხმარებლებისგან შემოსავლებსა და ვენჩურულ კაპიტალს შთანთქავენ, რომლებიც სხვაგვარად კარგ ბიჭებს შეხვდებოდათ. ცუდი ბიჭების ციხეში გაშვება ყოველთვის მოგვიანებით შეიძლება.“ – წერს ჯესი პაუელი (Jesse Powell).

პაუელის თქმით, მარეგულირებლები ნორმალურ ბიზნესმენებს მტრებად აღიქვამენ. ხოლო „ცუდ ბიჭებს“ გაზრდის შესაძლებლობას აძლევენ, რადგანაც ეს მთავრობის მაღალჩინოსნებისთვის ხელსაყრელია. „ცუდი ბიჭების“ დახმარებით მათ როგორც კრიპტოვალუტის ეკოსისტემის განადგურება, ისე „კარგი ბიჭებისთვის“ ზიანის მიყენება შეუძლიათ, ამბობს Kraken-ის აღმასრულებელი დირექტორი.

ჯესი პაუელს აშშ-ს ფასიანი ქაღალდებისა და ბირჟების კომისიის (SEC) თავმჯდომარე კრიპტო სერვისების პროვაიდერებისთვის მარეგულირებლის წესების დაცვის მოთხოვნის გამო არაერთხელ გაუკრიტიკებია.

ის აღშფოთებული იყო იმით, რომ ათობით მილიონი დოლარის ჯარიმისა და მისი ბიზნესის ზოგიერთი მიმართულების სრული გაუქმების აცილება, თურმე SEC-ის ვებსაიტზე ფორმის შევსებით და მომხმარებლისთვის იმის განმარტებით შეიძლებოდა, რომ სტეიკინგისთვის ჯილდოს მიღება თავად სტეიკინგის შედეგად ხდება.

მანამდე, პაუელი გაკოტრებული ბირჟა FTX-ის  ყოფილ აღმასრულებელ დირექტორს, სემ ბენკმენ-ფრიდს აკრიტიკებდა.

Kraken-ის ხელმძღვანელს მიაჩნია, რომ FTX-ის ყოფილი აღმასრულებელი დირქტორი ბირჟის ბიზნესის ორგანიზებაში საერთოდ ვერ ერკვევა.

.