Phoenix-ის ხელმძღვანელობა ინვესტორების ფულთან ერთად გაქრა

Phoenix-ის ხელმძღვანელობა ინვესტორების ფულთან ერთად გაქრა

პოპულარულმა კრიპტო საინვესტიციო პროექტმა Phoenix Community Capital 800 მილიონამდე დოლარის კაპიტალიზაციით, რომელიც დიდ ბრიტანეთში პოლიტიკოსებთან და საზოგადოების ცნობად სახეებთან არის დაკავშირებული, ინვესტორებისთვის ფულის დაბრუნება შეწყვიტა.

Phoenix Community Capital  დიდი ბრიტანეთის ბაზარზე 2022 წლის დასაწყისში გამოჩნდა და როგორც უსაფრთხო საინვესტიციო სქემა და უაღრესად მომგებიანი კრიპტოვალუტის პროექტი პოზიციონირდა.

Phoenix-მა დიდ ბრიტანეთში პოპულარულ პოლიტიკოსებსა და ცნობილ ადამიანებს შორის ცნობადობა ადმინისტრაციული რესურსებისა და ლობისტური ინსტრუმენტების აქტიური გამოყენების ხარჯზე მოიპოვა.

კერძოდ, კომპანია ღიად აფინანსებდა მრავალპარტიულ საპარლამენტო ჯგუფს (APPG), ასევე საჯაროდ თანამშრომლობდა დეპუტატებთან და ლორდთა პალატის წევრებთან.

Phoenix-ის პროაქტიული პოზიცია პარლამენტის წევრების მიერ არაერთხელ იქნა მოწონებული.

მისი აღმასრულებელი დირექტორი და თანადამფუძნებელი ლუკ სალივანი (Luke Sullivan) კი კრიპტოვალუტის საკითხებთან დაკავშირებით APPG-ს კომისიის შემადგენლობაში იყო მიწვეული.

სანდო კომპანიის იმიჯმა, რომელსაც ენდობიან და მხარს უჭერენ პოლიტიკოსები, პროექტში 8000-ზე მეტი ინვესტორის მოზიდვა გახადა შესაძლებელი, რომელთა ფინანსური წვლილი $6000-დან $100000-მდე მერყეობდა.

პროექტის მონაწილეებს ინვესტირებას Phoenix-ის შიდა ვალუტის – $FIRE-ის შეძენის მეშვეობით სთავაზობდნენ.

ინვესტიციის დაბრუნება 45 დღის განმავლობაში იყო გარანტირებული.

თუმცა, 2022 წლის სექტემბერში, Phoenix Community-ის სოციალური მედიის გვერდები მოულოდნელად დაიბლოკა და ვებსაიტმა მუშაობა შეწყვიტა.

Phoenix Community-ის დამფუძნებელმა ლუკ სალივანმა თავის Twitter-ზე მოგვიანებით გამოაცხადა,

რომ მან კომპანია დატოვა და რომ ახლა Phoenix -ს ახალი მენეჯმენტი ჰყავს.

2023 წლის დასაწყისში, ინვესტორების კითხვის საპასუხოდ, თუ რა ბედი ეწეოდა მათ თანხებს,

პროექტის ახალმა ადმინისტრაციამ განაცხადა, რომ მათზე პასუხისმგებლობა არ ეკისრებოდა, მაგრამ, მიუხედავად ამისა, მაქსიმუმის გაკეთებას შეეცდებოდნენ.

პროექტის ერთ-ერთმა ყოფილმა მონაწილემ, პრემიერ ლიგის ყოფილმა ფეხბურთელმა ალან როჯერსმა (Alan Rogers) ჟურნალისტებთან საუბარში განაცხადა, რომ ინვესტორების დანაკარგი ათიათასობით ფუნტს ითვლის და რომ მან თავად დაახლოებით 50,000 დოლარი დაკარგა.

ანალიტიკური პორტალის Money Mongers-ის ცნობით, კრიპტო კომპანიების წლიური ხარჯები პროექტების ლობისტური სტრუქტურების ხელშეწყობისა და მხარდაჭერისთვის 2017 წლიდან დღემდე 2.5 მილიონი დოლარიდან 25.57 მილიონ დოლარამდე გაიზარდა.