Visa და MasterCard ახალ კრიპტოპროექტებში მონაწილეობას აღარ მიიღებენ

Visa და MasterCard ახალ კრიპტოპროექტებში მონაწილეობას აღარ მიიღებენ

საერთაშორისო გადახდის სისტემებმა Visa-მ და MasterCard-მა ინდუსტრიაში გახმაურებული გაკოტრებების მიზეზით,  კრიპტოვალუტის კომპანიებთან პარტნიორობის დროებით შეჩერების გადაწყვეტილება მიიღეს.

მედიასთან საუბარში გადახდის სისტემების წარმომადგენლებმა  განაცხადეს, რომ კრიპტო აქტივებთან დაკავშირებული თანამშრომლობის პროგრამების დაწყებას იმ დრომდე გადადებენ, სანამ ბაზრის პირობებისა და საკანონმდებლო ბაზის გაუმჯობესება არ მოხდება.

„კრიპტო სექტორში ბოლო დროს გახმაურებული წარუმატებლობები მნიშვნელოვანი შეხსენებაა იმისა, რომ იქამდე, სანამ კრიპტოვალუტა გადახდებისა და ფინანსური სერვისების განუყოფელი ნაწილი გახდება, ჩვენ დიდი გზა გვაქვს გასავლელი.“- განაცხადა Visa-ს წარმომადგენელმა.

MasterCard-ის წარმომადგენელმა კი დაამატა, რომ კრიპტოვალუტის კომპანიებთან თანამშრომლობის დროებითი შეწყვეტის მიუხედავად, ისინი „ეფექტური სისტემების შესაქმნელად ბლოკჩეინის ტექნოლოგიების გამოყენებას კვლავაც განაგრძობენ.“

ბაზრის ერთ-ერთმა უძველესმა მონაწილემ, კომპანიამ American Express, რომელიც ამავე სახელწოდების საგადახდო ბარათებს გამოსცემს, განაცხადა,

რომ ის კრიპტო ტექნოლოგიების გამოყენების ვარიანტების შესწავლას აგრძელებს, თუმცა კრიპტოვალუტებს სტრატეგიულ პრიორიტეტად არ განიხილავს.

„უახლოეს პერსპექტივაში, ჩვენ  რომელიმე კრიპტოვალუტის მიერ ჩვენი ძირითადი საგადახდო და საკრედიტო სერვისების სრულყოფას ვერ ვიხილავთ.“ – განაცხადა AmEx-ის წარმომადგენელმა.

მანამდე კრიპტოვალუტის სერვისების პროვაიდერმა კოპანიამ Wirex , აზია-წყნარი ოკეანის რეგიონში და დიდ ბრიტანეთში სერვისების სიის გაფართოების მიზნით, საერთაშორისო გადახდის სისტემა Visa-სთან გრძელვადიანი ხელშეკრულება გააფორმა. ხოლო MasterCard-მა და Web3 Immersve-მა მეტავერსსა და ციფრულ პლატფორმებზე კრიპტოვალუტით გადახდის ერთობლივი მხარდაჭერის შესახებ გამოაცხადეს.