Binance უკრაინელებს კრიპტო კრიმინალის იდენტიფიცირებას ასწავლის

Binance უკრაინელებს კრიპტო კრიმინალის ამოცნობას ასწავლის

კრიპტოვალუტის ბირჟამ Binance ციფრული აქტივების მეშვეობით ფულის გათეთრების წინააღმდეგ საბრძოლველად უკრაინის სამართალდამცავი და მარეგულირებელი ორგანოების წარმომადგენლებისთვის კრიპტოვალუტებისა და ბლოკჩეინის შესახებ ტრენინგები მოაწყო.

ონლაინ სემინარები უკრაინის ეროვნული პოლიციის კიბერდანაშაულის განყოფილების (NPU),

უკრაინის უსაფრთხოების სამსახურის (SBU) და კორუფციის შედეგად მიღებული აქტივების იდენტიფიკაციის,

ძიების და მართვის უკრაინის ეროვნული სააგენტოს (ARMA) თანამშრომლებისთვის ჩატარდა.

Binance-ის სპეციალისტებმა კრიპტოაქტივებით თაღლითობის გამოვლენისა და პრევენციის მეთოდებზე, ასევე კრიპტოვალუტების მეშვეობით ფულის გათეთრებასთან ბრძოლის გზებზე ისაუბრეს.

„კრიპტო დანაშაული ქვეყნის ფინანსური ეკოსისტემის სტაბილურ და უსაფრთხო ფუნქციონირებას უქმნის საფრთხეს. კიბერდანაშაულისა და ტერორიზმის დაფინანსების აღსაკვეთად მნიშვნელოვანია ძალების მარეგულირებლებთან გაერთიანება.“

– ამბობს  Binance-ის უკრაინული განყოფილების ხელმძღვანელი კირილ ხომიაკოვი.

მსგავსი სემინარები Binance-მა 30-ზე მეტი სხვადასხვა ქვეყნის სამართალდამცავი უწყებებისთვის მოაწყო.

გასული წლის ბოლოს ბლოკჩეინის, Web3-ის, დეცენტრალიზებული ფინანსებისა (DeFi) და DAO-ს ძირითად პრინციპებზე ვებინარების მოსაწყობად კრიპტო ბირჟამ პარტნიორობა საგანმანათლებლო პლატფორმა Master Class-თან გააფორმა.

ცოტა ხნის წინ ახალი ტექნოლოგიების შესახებ ადამიანების ცნობიერების ამაღლებისა და მათი მიღების პროცესის დაჩქარებისთვის Binance-მა ბლოკჩეინის სფეროში საგანმანათლებლო პროგრამები საქართველოსა და ყაზახეთშიც ჩაატარა.