ბრაზილიელი ფეხბურთელები კრიპტო თაღლითობის მსხვერპლნი გახდნენ

ბრაზილიელი ფეხბურთელები კრიპტო თაღლითობის მსხვერპლნი გახდნენ

ორი ბრაზილიური კლუბის ორი ფეხბურთელი ყოველთვიური 5% მოგების სანაცვლოდ კრიპტო თაღლითების სატყუარას წამოეგო. პირამიდაში მონაწილეობის მიღება ფეხბურთელებს ასევე კოლეგამ შესთავაზა.

გასული წლის მაისში მაიკემ (Mayke)  საფეხბურთო კლუბიდან პალმეირასი (Palmeiras) და გუსტავო სკარპამ (Gustavo Scarpa) კლუბ ნოთინგჰემ ფორესტიდან (Nottingham Forest) კომპანიაWLJC-ში დაახლოებით 11 მილიონი რეალის (2 მილიონი დოლარი) ინვესტიცია განახორციელეს. კომპანიის განცხადებით, ის კლიენტებს საკონსულტაციო მომსახურებით უზრუნველყოფდა და კრიპტოვალუტაში  ინვესტიციების განხორციელებაში ეხმარებოდა.

ფეხბურთელი, რომელმაც მაიკე და სკარპა პირამიდაში ჩაითრია WLJC-ის ერთ-ერთი პარტნიორი, საფეხბურთო კლუბ ფლუმინენსეს (Fluminense) თავდამსხმელი ვილიან გომეს დე სიკეირაა (Willian Gomes de Siqueira).

მოტყუებულმა სპორტსმენებმა WLJC-ს სასამართლოში უჩივლეს და ხელშეკრულების გაწყვეტასთან ერთად თანხის დაბრუნებაც მოსთხოვეს.

საქმის განხილვა 2023 წლის ოქტომბერს დაინიშნა. თავად დე სიკეირა აცხადებს, რომ ის უდანაშაულოა და ინვესტირების შედეგად  17,5 მილიონი რეალი (3,3 მილიონი დოლარი) თავადაც დაკარგა.

პირამიდაში მონაწილეობა პალმეირასის სხვა მოთამაშეებმაც მიიღეს, მაგრამ იმის გამო, რომ მათი შენატანი მცირეა,  სპორტსმენები სასამართლოში ჩივილზე უარს ამბობენ.

დეკემბერში იტალიისა და ალბანეთის პოლიციამ კრიპტოვალუტის თაღლითური სქემა ამოხსნა, რომელმაც 15 მილიონი ევროს (15,9 მილიონ დოლარზე მეტი) ინვესტიცია მიიზიდა.

სქემის ორგანიზატორები ინვესტორებს ვირტუალური სატელეფონო ნომრებითა და VPN-ის გამოყენებით ალბანეთის დედაქალაქ ტირანაში მდებარე ქოლ ცენტრიდან უკავშირდებოდნენ.

თაღლითები მსხვერპლს მინიმალური რისკების პირობებში კრიპტოვალუტებში ინვესტირებას სთავაზობდნენ და არწმუნებდნენ სპეციალურ პლატფორმაზე ანგარიში გაეხსნათ.