Marathon Digital-მა ბიტკოინის მაინინგის რეკორდი დაამყარა

Marathon Digital-მა ბიტკოინის მაინინგის რეკორდი დაამყარა

მაინინგ კომპანიამ Marathon Digital რომელიც  შენახული ბიტკოინების მოცულობით მსოფლიოში მეორე ადგილზეა, პირველი კრიპტოვალუტის მოპოვებაში რეკორდი დაამყარა.

„წინა კვარტალთან შედარებით, ჩვენ ბიტკოინის მოპოვება 41%-ით,  რეკორდულ 2195 BTC – მდე გავზარდეთ. მარტში ჩვენ რეკორდული 825 ბიტკოინი მოვიპოვეთ. ეს  წინამორბედ თვესთან შედარებით 21%-ით მეტია.“ – განაცხადა მარათონის აღმასრულებელმა დირექტორმა ფრედ თიელმა (Fred Thiel).

2022 წლის განმავლობაში Marathon Digital-მა 4144 ბიტკოინის მოპოვება შეძლო.

აღმასრულებელი დირექტორის განცხადებით, წლის პირველ კვარტალში კომპანიამ საოპერაციო ჰეშრეიტი 64%-ით გაზარდა.

„ჰეშრეითის სტაბილურობის გაუმჯობესება შესამჩნევია. ეს იმაზე მეტყველებს, რომ ჩვენს მიერ დანერგილი ზოგიერთი ტექნოლოგიური სიახლე მოქმედებას იწყებს.“- აღნიშნა ტოპ-მენეჯერმა.

სხვა საკითხებთან ერთად, კომპანიამ სავალო ვალდებულებების 50 მილიონი დოლარით შემცირება შეძლო.

მარტში Marathon Digital-მა განაცხადა, რომ ლიკვიდობის პრობლემების მქონე ბანკ Silvergate-ში კრედიტის დაფარვა შეძლო. კომპანიამ აღებული სესხი ვადამდე დაფარა, რითაც დავალიანება 50 მილიონი დოლარით შეამცირა, ნათქვამია კომპანიის განცხადებაში. გადახდილმა კრედიტმა კომპანიის ბიტკოინის მარაგი 3132-ით გაზარდა, რადგან კრიპტოვალუტა დეპოზიტის სახით ინახებოდა.

თებერვალში Marathon Digital-მა 1500 BTC-ის გაყიდვის შესახებ გამოაცხადა. ეს კომპანიისთვის ორი წლის მანძილზე BTC-ის გაყიდვის პირველი შემთხვევა იყო. ფრედ თიელის განმარტებით, ბიტკოინების გაყიდვის გადაწყვეტილება კომპანიის რაიმე პრობლემასთან არ ყოფილა დაკავშირებული, არამედ ბიზნესის განვითარებისთვის იყო აუცილებელი.