მომგებიანობის თვალსაზრისით ბიტკოინი ოქროს აჯობებს

მომგებიანობის თვალსაზრისით ბიტკოინი ოქროს აჯობებს

ამერიკული ანალიტიკური კომპანია Bernstein Research-ის სპეციალისტების აზრით, ინვესტორებმა, რომლებიც ინვესტიციებს ოქროში ახორციელებენ, ბიტკოინს უკეთესი თვალით უნდა შეხედონ, რადგან მისი მომგებიანობა უახლოეს მომავალში უფრო მაღალი იქნება.

Bernstein Research-ის ანალიტიკოსების ანგარიშში ნათქვამია, რომ ოქროს ბაზარზე ატეხილი დიდი აჟიოტაჟისგან განსხვავებით,

ბიტკოინის მიმართ ინტერესი შედარებით დაბალია. და ეს იმის მიუხედავად, რომ პირველი კრიპტოვალუტა 2023 წლის ყველაზე მომგებიანი აქტივი გახდა:

„მიუხედავად იმისა, რომ იანვრის დასაწყისიდან ბიტკოინი 71%-ით გაიზარდა,  პირველი კრიპტოვალუტის ახალი ხარის ციკლისა და ხელახალი აღმავლობის ცოტას თუ სჯერა.“

ანგარიშის ავტორებს მიაჩნიათ, რომ ინვესტორებს გრძელვადიანი და მასშტაბური მოგების არ სჯერათ.

თუმცა ფაქტია, რომ ბიტკოინმა არაერთხელ აჩვენა ბევრად უფრო მნიშვნელოვანი მოგება, ვიდრე ოქრომ.

მაგალითად, კორონავირუსის პანდემიის პერიოდში და პანდემიის შემდგომ ფულის მასის მასშტაბური გაზრდის დროს , BTC-ის ზრდის მაჩვენებელმა ოქროსას 2,9-ჯერ გადააჭარბა.

„ჩვენი აზრით, ოქროს სიყვარული და ერთდროულად ბიტკოინის სიძულვილი უბრალოდ ირაციონალურია.“ – აღნიშნეს მკვლევარებმა.

სამშაბათს, 11 აპრილს, პირველი კრიპტოვალუტის კურსი 6.5%-ით გაიზარდა და $30 000-ს გადააჭარბა.