დო კვონს გირაოს სანაცვლოდ გაათავისუფლებენ

დო კვონს გირაოს სანაცვლოდ გაათავისუფლებენ

მონტენეგროს სასამართლომ ხელისუფლების მიერ დოკუმენტების გაყალბებაში ბრალდებული Terraform Labs-ის დამფუძნებლის გათავისუფლება დაუშვა.

დო კვონის (Do Kwon) გარდა, 400 000 ევროს ოდენობის გირაოს სანაცვლოდ კომპანიის ყოფილ ფინანსურ დირექტორს ჰან ჩანგ-ჯუნსაც (Han Chang-Joon) გაათავისუფლებენ. დაკავებულებმა გირაოს გადახდის შემთხვევაში, სისხლის სამართლის პროცესის დასრულებამდე სასამართლო უწყებებზე რეგულარული რეაგირებისა და ადვოკატის მიერ მითითებულ მისამართზე დარჩენის პირობა დადეს.

ბრალდების მხარემ წინადადება გააპროტესტა და აღნიშნა, რომ შემოთავაზებული თანხა  ბრალდებულების დარჩენის გარანტიას არ იძლევა და რომ ბრალდებულებს ჩერნოგორიის ტერიტორიაზე დარჩენის ინტერესი არ აქვთ. პროკურატურას უფლება აქვს სასამართლოს გადაწყვეტილება  სამი დღის ვადაში გაასაჩივროს.

დო კვონმა ბელგიისა და კოსტა რიკის ყალბი პასპორტების გამოყენებაში თავი დამნაშავედ არ ცნო.

ის ინტერპოლს რამდენიმე თვის განმავლობაში ემალებოდა მანამ, სანამ 23 მარტს მონტენეგროს დედაქალაქის აეროპორტში არ დააკავეს.

სამართალდამცავების თქმით, კორეელი ბიზნესმენი ყალბი პასპორტის გამოყენებით ნაქირავები კერძო თვითმფრინავით ცდილობდა გამგზავრებას.

შეერთებულ შტატებსა და სამხრეთ კორეას კვონის მიმართ არაერთი ბრალდება აქვთ. მათ შორის თაღლითობისა და გასული წლის გაზაფხულზე კომპანია Terra-ს კოლაფსში მისი სავარაუდო მონაწილეობის მიზეზით.

2023 წლის მარტში ცნობილი გახდა, რომ ბიზნესმენმა სერბეთში 1 დოლარზე ნაკლებ ფასად კომპანია დააარსა.

ეს მოხდა რამდენიმე კვირაში მას შემდეგ, რაც ინტერპოლმა ის საერთაშორისო ძებნაში გამოაცხადა.