უოლ-სტრიტის გიგანტები საკუთარ კრიპტო პლატფორმებს აამოქმედებენ

უოლ-სტრიტის გიგანტები საკუთარ კრიპტო პლატფორმებს აამოქმედებენ

გამოცემა Financial Times-ის ცნობით, უმსხვილესი ტრადიციული ფინანსური ორგანიზაციები, მათ შორის Standard Chartered, Nomura და Charles Schwab, კრიპტოვალუტებით ვაჭრობისთვის საკუთარ პლატფორმებს აამოქმედებენ.

ექსპერტების თქმით,  უოლ სტრიტის გიგანტებისთვის საკუთარი კრიპტოვალუტის ფირმების გახსნას აზრი ნამდვილად აქვს,

რადგან საინვესტიციო კომპანიები და აქტივების მენეჯერები ციფრულ აქტივებში ინვესტიციებით კვლავაც დაინტერესებულნი არიან.

თუ პოპულარული მსხვილი ფინანსური მოთამაშე საკუთარ კრიპტო პლატფორმას დააფუძნებს, ის მნიშვნელოვანი თანხების მოზიდვას შეძლებს.

„მსხვილი ტრადიციული ინსტიტუციური ინვესტორები, რომლებიც ბაზარზე დიდი ხნის განმავლობაში იმყოფებიან და ბევრი კავშირები აქვთ, საქმის დაჭერას კონტრაგენტებთან ამჯობინებენ, რომლებიც წლების განმავლობაში არსებობენ და ტრადიციული გზით რეგულირდებიან.“- განმარტავს გაუტამ ჩუგანი (Gautam Chhugani), კომპანია Bernstein-ის ციფრული აქტივების უფროსი ანალიტიკოსი.

ცოტა ხნის წინ ანალიტიკური კომპანია  Ernst & Young-ის ქვეგანყოფილების მიერ 250 აქტივების მენეჯერის გამოკითხვის შედეგად დადგინდა,  რომ გამოკითხულთა დაახლოებით ნახევარი უარს იტყოდა იმ კომპანიასთან თანამშრომლობაზე, რომელშიც თავად მუშაობს და თანხებს ტრადიციული ფინანსური ორგანიზაციის მიერ ამოქმედებულ პლატფორმაზე გადაიტანდა.

გამოკითხულთა 90%-ის თქმით, ისინი საკუთარი ციფრული აქტივების შესანახად სწორედ ასეთ ფირმებს ენდობიან.

გამოცემის ექსპერტები ხაზგასმით აღნიშნავენ, რომ მსხვილი ტრადიციული ფინანსური კომპანიები, როგორც წესი უფრო გამჭვირვალე პლატფორმებს ქმნიან, რაც ინსტიტუციური ინვესტორებისთვის ასევე მნიშვნელოვანია.