2019-ში გენსლერი Binance-ის მრჩევლობას აპირებდა

2019-ში გენსლერი Binance-ის მრჩევლობას აპირებდა

Binance-ის ადვოკატების თქმით, 2019 წელს აშშ-ის ფასიანი ქაღალდებისა და ბირჟების კომისიის (SEC) თავმჯდომარემ გერი გენსლერმა კრიპტობირჟას მრჩევლის პოზიციაზე საკუთარი კანდიდატურა წარუდგინა.

SEC-ისთვის წარდგენილ დოკუმენტებში, Gibson Dunn-ისა და Latham & Watkins-ის იურისტები ამტკიცებენ, რომ 2019 წლის მარტში გერი გენსლერმა (Gary Gensler) Binance-ის აღმასრულებელ დირექტორთან და რამდენიმე ტოპ-მენეჯერთან საუბრისას მათ საკუთარი კანდიდატურა კრიპტოვალუტის ბირჟის მრჩეველის პოზიციაზე შესთავაზა.

გენსლერი ჩენპენ ჯაოს (Changpeng Zhao) მარტში იაპონიაში შეხვდა.

იმ დრისთვის გენსლერი MIT-ითან არსებულ სლოუნის  მენეჯმენტის სკოლაში ასწავლიდა. SEC-ის ხელმძღვანელად ის 2021 წელს პრეზიდენტმა ჯო ბაიდენმა დანიშნა.

გასულ წელს გენსლერმა კრიპტო ინდუსტრიას მძიმე დარტყმა მიაყენა და არარეგისტრირებული ფასიანი ქაღალდებით სავარაუდო ვაჭრობის ბრალდებით უამრავ კომპანიას უჩივლა.

იურისტები აღნიშნავენ, რომ ჯაო გენსლერთან კავშირს მარტის შეხვედრის შემდეგაც აგრძელებდა. SEC-ის მომავალი თავმჯდომარის თხოვნით, ჯაომ გენსლერს კრიპტოვალუტების თაობაზე კურსის ფარგლებში ინტერვიუც ჩამოართვა.

ამ კავშირის გამო, Binance-ის ადვოკატებმა გენსლერს სთხოვეს, კომპანიის წინააღმდეგ ქმედებებისგან  თავი შეეკავებინა, მაგრამ SEC-ისგან დასტური არ მიუღიათ. SEC-ის სპიკერმა CNBC-ს განუცხადა, რომ „თავმჯდომარე კარგად იცნობს თავის ეთიკურ ვალდებულებებს, მათ შორის, უარი თქვას ნებისმიერ ვალდებულებაზე და ზედმიწევნით ასრულებს მათ“.

მიმდინარე კვირის დასაწყისში, SEC-მა Binance-სა და ჩენპენ ჯაოს წინააღმდეგ 13 ბრალდება წარმოადგინა.

ცოტა ხნის წინ, Binance-ის წინააღმდეგ SEC-ის საჩივრის ფონზე, ბირჟის ამერიკულმა განყოფილებამ  ათი სავაჭრო წყვილი გააუქმა და OTC სერვისი შეაჩერა.