დო კვონი წლის ბოლომდე პატიმრობაში დარჩება

დო კვონი წლის ბოლომდე პატიმრობაში დარჩება

Terra -ს თანადამფუძნებელი დო კვონი მონტენეგროში პატიმრობაში მინიმუმ ექვსი თვის განმავლობაში დარჩება, სანამ სასამართლო სამხრეთ კორეისა და შეერთებული შტატების მხრიდან მისი ექსტრადიციის მოთხოვნას არ განიხილავს.

ინფორმაციას მონტენეგროს უზენაესი სასამართლოს საზოგადოებასთან ურთიერთობის მრჩეველი მარია რაკოვიჩი (Marija Raković) ადასტურებს.

პატიმრობაში რჩება დო კვონის ბიზნესპარტნიორი ჰონ ჩან ჯუნიც (Hon Chang Joon).

დოკუმენტების გაყალბების საქმეზე ახალი სხდომა პოდგორიცაში პარასკევს, 16 ივნისს არის ჩანიშნული.

სხდომის შემდეგ, ჩერნოგორიის სასამართლომ უნდა გადაწყვიტოს, გადასცეს თუ არა დო კვონი სამხრეთ კორეას, სადაც მას 40 მილიარდი დოლარის თაღლითობაში მონაწიეობაში ადანაშაულებენ.

სამხრეთ კორეის მხრიდან დო კვონზე გაცემული ინტერპოლის ორდერის გარდა,

ბიზნესმენის ექსტრადიცია აშშ-მაც მოითხოვა.
კვონი და მისი ბიზნესპარტნიორი 23 მარტს მონტენეგროს დატოვების მცდელობისას დააკავეს.

პოდგორიცას აეროპორტში დუბაის მიმართულებით კერძო რეისით გაფრენის მცდელობისას სასაზღვრო კონტროლის გავლის დროს ორივეს კოსტა რიკის ყალბი პასპორტები აღმოაჩნდათ.

ჩხრეკის დროს კი, ყალბი კორეული და ბელგიური სამგზავრო დოკუმენტების ამოღებაც მოხდა.
ჯერჯერობით უცნობია, თუ სად იქნება დო კვონი ექვსთვიანი პატიმრობის პერიოდში – ციხეში თუ შინაპატიმრობაში.

ცოტა ხნის წინ, მონტენეგროს პირველი ინსტანციის სასამართლომ დო კვონისა და ჰან ჩანგ ჯუნისთვის 800 000 ევროს ოდენობის გირაოთი გათავისუფლების შესახებ განცხადება დააკმაყოფილა.

ასევე ცნობილი გახდა, რომ Terra-ს თანადამფუძნებელმა შესაძლოა ცხოვრების უმეტესი ნაწილი გისოსებს მიღმა გაატაროს – ჯერ მშობლიურ სამხრეთ კორეაში, შემდეგ კი აშშ-ში, აცხადებენ ორივე ქვეყნის პროკურორები.