SEC კრიპტოვალუტებს ვეღარ გააკონტროლებს

SEC კრიპტოვალუტებს ვეღარ გააკონტროლებს

Ripple Labs-ის გენერალურმა მრჩეველმა კომენტარი გააკეთა სასამართლოს გადაწყვეტილებაზე, რომლის მიხედვითაც მონეტა XRP მეორად ბაზარზე ფასიან ქაღალდად აღარ განიხილება.

სტიუარტ ალდეროტიმ (Stuart Alderoty) მომხდარს დიდი გამარჯვება უწოდა, რომელიც რეგულატორების მხრიდან ინდუსტრიაზე ზეწოლას შეამცირებს.

„იურიდიული თვალსაზრისით, ჩვენ უზარმაზარი გამარჯვება მოვიპოვეთ, XRP ფასიან ქაღალდს არ წარმოადგენს. ბირჟებზე მონეტების გაყიდვას, აღმასრულებლების მიერ კრიპტო აქტივების გაყიდვას, დეველოპერებისთვის, საქველმოქმედო ორგანიზაციებისთვის ან თანამშრომლებისთვის XRP-ის გადაცემას ასევე არაფერი აქვს საერთო ფასიან ქაღალდებთან. ერთადერთი, რაც სასამართლომ საინვესტიციო ხელშეკრულებად აღიარა, იყო წარსულში XRP-ის ინსტიტუციურ კლიენტებზე პირდაპირი გაყიდვები . შემდგომი სამართალწარმოება მხოლოდ ამ გაყიდვებთან დაკავშირებით წარიმართება.“- განმარტა ალდეროტმა.

ხუთშაბათს, 13 ივლისს, მოსამართლე ანალიზა ტორესმა (Analisa Torres) გაახმოვანა სასამართლოს გადაწყვეტილება, რომ ლის მიხედვითაც Ripple-ის მონეტები საინვესტიციო კონტრაქტებს მხოლოდ პირველადი შეთავაზების (ICO) დროს წარმოადგენს.

სასამართლოს გადაწყვეტილებას ბაზარი დიდი ენთუზიაზმით გამოეხმაურა – XRP კურსი მკვეთრად, 0.94$-მდე გაიზარდა.

სასამართლოს გადაწყვეტილებით კმაყოფილი მარეგულირებელიც დარჩა.

კერძოდ კი იმით, რომ გარკვეულ გარემოებებში XRP-ის მონეტები საინვესტიციო კონტრაქტებად იქნა აღიარებული, რომელთა გაყიდვაც ფასინი ქაღალდების შესახებ კანონის დარღვევად იქნა შეფასებული.

SEC კმაყოფილი დარჩა, რომ სასამართლო კრიპტოვალუტების ტრანზაქციათა ანალიზისთვის ჰოუის ტესტის გამოყენების შესაძლებლობას დაეთანხმა. ჰოუის ტესტის მიხედვით კი საინვესტიციო კონტრაქტებად არამატერიალური აქტივებიც შეიძლება ჩაითვალოს.

თუმცა, ალდეროთის თქმით, სასამართლოს გადაწყვეტილება იმის დასტურია, რომ SEC-ს კრიპტოვალუტების კონტროლის შეუზღუდავი უფლებამოსილება არ გააჩნია.

ადვოკატმა იმედი გამოთქვა, რომ ახლა აშშ-ს ხელისუფლებასთან კრიპტო ინდუსტრიის რეგულირების შესახებ კონსტრუქციული საუბრის დაწყება იქნება შესაძლებელი.