Binance-ის ტოპ-მენეჯერი თანამდებობას ტოვებს

Binance-ის ტოპ-მენეჯერი თანამდებობას ტოვებს

მარეგულირებლებთან პრობლემების ფონზე, კრიპტოვალუტის ბირჟამ Binance კიდევ ერთი ხელმძღვანელი დაკარგა. თანამდებობა
პროდუქციისა და დიზაინის დეპარტამენტის ხელმძღვანელმა დატოვა.

„ვადასტურებთ, რომ მაიურ კამატმა (Mayur Kamat) პროდუქტის მენეჯერის თანამდებობა დატოვა. მადლობას ვუხდით იმისთვის, რომ დაგვეხმარა Binance-ის ყველაზე დიდი ზრდა ერთობლივად გაგვევლო. მას ყოველივე საუკეთესოს ვუსურვებთ.“- ნათქვამია Binance-ის ოფიციალურ განცხადებაში.

კამატმა წასვლა დაადასტურა და განაცხადა, რომ ის კომპანიას „პირადი მიზეზების გამო“ ტოვებს.

„მოვიდა დრო გადავდგე და პროდუქტის ხელმძღვანელობა Binance-ის მომავალი თაობის ლიდერებს გადავაბარო. პირადად ჩემთვის, პროდუქტის განვითარებაზე 20 წლიანი მუშაობის შემდეგ ახლა შვებულების ასაღებად კარგი დროა.“

ტოპ-მენეჯერის თქმით, Binance-ში მუშაობა მისთვის კარგი გამოცდილება იყო.

„მადლობა CZ-ს (Binance-ის დამფუძნებელი ჩენგპენ ჯაო) და მთელ გუნდს ამ შესანიშნავი შესაძლებლობისთვის. Binance-ის მხარდამჭერი ვიქნები“

მაიურ კამატი Binance-ს 2022 წლის აპრილში შეუერთდა, მას შემდეგ, რაც სამუშაო გამოცდილება ისეთ კომპანიებში მიიღო, როგორიცაა Google, Microsoft და Agoda.

LinkedIn-ის პროფილის მიხედვით, დეპარტამენტის ხელმძღვანელის თანამდებობაზე ყოფნის დროს მან 18 თვეში Binance 80 მილიონიდან 150 მილიონზე მეტ მომხმარებელზე აიყვანა.

გასულ კვირას კომპანია Binance Asia Pacific-ის აღმასრულებელმა დირექტორმა ლეონ ფუნგმაც (Leon Foong)დატოვა. თანამდებობები ასევე დატოვეს სტრატეგიის მთავარმა ოფიცერმა პატრიკ ჰილმანმა (Patrick Hillman), გენერალურმა მრჩეველმა ჰონ ენგმა (Hon Ng) და ბიზნესის მთავარმა ოფიცერმა იბო ლინგმა (Yibo Ling).