კრიპტობირჟები დიდ ბრიტანეთზე პოლიტიკურ ზეწოლას ახდენდნენ

კრიპტობირჟები დიდ ბრიტანეთზე პოლიტიკურ ზეწოლას ახდენდნენ

გაერთიანებული სამეფოს ფინანსური ქცევის ორგანოს (FCA) ყოფილი თავმჯდომარის განცხადებით, მის მიმართ ადგილი ჰქონდა პოლიტიკურ ზეწოლას იმ კრიპტობირჟების მხრიდან, რომლებიც ამჟამად აშშ-ს მთავრობის ყურადღების ცენტრში აღმოჩნდნენ.

ლონდონში გამართულ კონფერენციაზე FCA-ს ყოფილმა ხელმძღვანელმა ჩარლზ რენდელმა (Charles Randell) განაცხადა, რომ კრიპტო ინდუსტრიის მონაწილეები მასზე ზეწოლას ცდილობდნენ.

ეს იმ დროს ხდებოდა, როდესაც თავმჯდომარეს გარკვეული კრიპტო ორგანიზაციებისთვის ბრიტანეთში მუშაობის ნებართვის გაცემაზე გადაწყვეტილება უნდა მიეღო.

რენდელს კონკრეტული კომპანიები არ დაუსახელებია, მაგრამ აღნიშნა, რომ მათ საქმიანობას ახლა აშშ-ს იუსტიციის დეპარტამენტი იძიებს.

„რაც შეეხება კრიპტოვალუტებს, ჩემი FCA-ს თავმჯდომარის თანამდებობაზე ყოფნის პერიოდში, მარეგულირებელი იძულებული გახდა კრიპტო კომპანიების მიმართ უფრო ლოიალური ყოფილიყო. მიუხედავად იმისა, რომ FCA-ს საპირისპირო პოზიცია ჰქონდა “- თქვა რენდელმა.

2022 წლის დეკემბერში აშშ-ს ხელისუფლებამ გაკოტრებული კრიპტო ბირჟა FTX-ის დამფუძნებელს სემ ბანკმენ-ფრიდს (Sam Bankman-Fried) თაღლითურ შეთქმულებაში დასდო ბრალი. მას ბრალი ასევე უკანონო პოლიტიკურ შემოწირულობების განხორციელებაში ედება.

უმსხვილეს კრიპტო ბირჟა Binance-ს აშშ-ს ფასიანი ქაღალდებისა და ბირჟების კომისიასთან (SEC) ასევე სასამართლო დავა აქვს.

ივნისში, SEC-მა Binance და მისი დამფუძნებელი ჩენპენ ჯაო (Changpeng Zhao) ფასიანი ქაღალდების ფედერალური კანონების დარღვევაში დაადანაშაულა.

წლის დასაწყისში, ბრიტანულმა მარეგულირებელმა განაცხადა, რომ იმ კრიპტო ფირმების დაახლოებით 85%, რომლებმაც FCA-ს ლიცენზია მოითხოვეს, ფულის გათეთრების საწინააღმდეგო რეგულაციებს (AML) არ ითვალისწინებდა.

FCA-ს ინფორმაციით, კრიპტო კომპანიების ძირითად პერსონალს რისკების ეფექტურად მართვაში სათანადო ცოდნა და გამოცდილება არ ჰქონდათ.