ჩინელი ინვესტორები ფარულ სქემებს ეძებენ

ჩინელი ინვესტორები ფარულ სქემებს ეძებენ
ჩინეთში კრიპტოვალუტის მიმოქცევის აკრძალვასთან დაკავშირებით, ადგილობრივი ინვესტორები
კომპანიებს საზღვარგარეთ არეგისტრირებენ, რათა თავი აარიდონ KYC-ს და ვაჭრობა გააგრძელონ.

მას შემდეგ, რაც ჩინეთის ხელისუფლებამ  ქვეყანაში კრიპტოვალუტით ფინანსური ოპერაციები
არალეგალურ საქმიანობად აღიარა, ბევრმა კომპანიამ ჩინეთიდან მომხმარებლების მომსახურებაზე
უარი თქვა. შედეგად, აკრძალვებითვის გვერდის ასავლელად, ინვესტორებმა ირიბი სქემების
გამოყენება დაიწყეს. ამ ფონზე გაჩნდა კომპანიები, რომლებიც ჩინეთის მოქალაქეებს უცხოეთში
ბიზნესის რეგისტრაციისთვის საშუამავლო მომსახურებას სვთავაზობენ.

Beijing Business Daily-ის ჟურნალისტმა გამოძიება ჩაატარა, რომლის შედეგადაც მსგავსი
მომსახურების მქონე ათამდე კომპანია გამოვლინდა. მათ შორი არიან  American Relations
Vision, Zunrong Mona Flagship Store და Dianyin.

ჟურნალიტმა ერთ-ერთი კომპანიის კლიენტთა მხარდაჭერის სერვისს თავი პოტენციურ
კლიენტად წარუდგინა და ამგვარად შეთავაზებული მომსახურების ყველა წვრილმანში
გარკვევა მოახერხა. შუამავალი კლიენტს კომპანიის რეგისტრაციას 200-ზე მეტ იურისდიქციაში
სთავაზობს, მათ შორის შეერთებულ შტატებში, დიდ ბრიტანეთში, იაპონიაში, სამხრეთ კორეაში,
საფრანგეთში, ბრიტანეთის ვირჯინიის კუნძულებზე (BVI), მარშალის კუნძულებზე და ბევრ სხვა

ქვეყანაში.

მომსახურების საფასური 188 აშშ დოლარიდან 4.512 აშშ დოლარამდე მერყეობს. ბრიტანეთში
ან ბრიტანეთის ვირჯინიის კუნძულების იურისდიქციაში ბიზნესის დარეგისტრირებას მხოლოდ
5-7 დღე სჭირდება. მარშალის კუნძულებზე კი 8-10 დღე.

მას შემდეგ, რაც კლიენტი ინგლისურ ენაზე განცხადებას, მის ანგარიშზე 50.000 აშშ დოლარის
არსებობის მტკიცებულებას, ბიზნესის ფინანსურ ანგარიშს, დირექტორის სახელს, პირადობის
მოწმობას და ხელმოწერას წარადგენს, ის იღებს რეგისტრირებულ სახელს, უცხოურ ანგარიშსა და
საბანკო რეკვიზიტებს. როგორც შუამავალი აღნინავს, კრიპტოვალუტის ბაზრის ზრდის ფონზე,
უცხოეთში კომპანიებს უამრავი ჩინელი ინვესტორი არეგისტრირებს.

„ბიზნესის რეგისტრაციის შემდეგ ისინი კრიპტოვალუტის ბირჟაზე ინსტიტუციონალურ
ანგარიშს ხსნიან და  კრიპტოვალუტით ვაჭრობენ.“

შუამავალმა აღნიშნა, რომ სერვისის მომხმარებელთა რაოდენობა შესაძლოა ბევრად მეტი
ყოფილიყო, პლატფორმები ცალკეული მომხმარებლების ანგარიშებს კანონმორჩილების
საჩვენებლად რომ არ ხურავდნენ. ტრეიდერებისთვის, რომლებსაც ანგარიშზე მინიმუმ 50 BTC
აქვთ, ბირჟები  ცალკე API-ს ქმნიან და მათთვის მომსახურების გაწევას აგრძელებენ.

კრიპტოვალუტის ბირჟები Huobi და Binance  პირველები  იყვნენ, ვინც ჩინეთის მთავრობის დადგენილების შემდეგ ჩინელი კლიენტების რეგისტრაცია დაბლოკა. შემდეგი იყვნენ ორი უმსხვილესი მაინინგ პული, F2Pool და Sparkpool, რომლებიც ჩინეთის მთავრობის აკრძალვების ფონზე იძულებულნი გახდნენ  ჩინეთიდან მომხმარებლების რეგისტრაციაზე უარი ეთქვათ.

წყარო: https://bits.media

ჩინელი ინვესტორები ფარულ სქემებს ეძებენ