Greenpeace-მა ბიტკოინთან მომუშავე კომპანიები გააკრიტიკა.
უმსხვილესმა საერთაშორისო გარემოსდაცვითმა ორგანიზაციამ ბიტკოინის მოპოვების მეთოდები ოფიციალურად გააპროტესტა და ქსელს Proof-of-Stake (PoS) კონსესუსის მექანიზმზე გადასვლა შესთავაზა.
კლიმატის ცვლილებასთან მიმართებაში პოზიციის გამო Greenpeace-მა იმ კომპანიების პოზიცია გააკრიტიკა, რომლებიც ამა თუ იმ გზით ბიტკოინების მოპოვებასა და მიმოქცევასთან არიან დაკავშირებული.
გარემოსდამცველების აზრით, BTC-თან მომუშავე კრიპტოვალუტის კომპანიების უმეტესობა უბრალოდ უარს ამბობს გლობალური კლიმატის ცვლილების პრობლემის არსებობა აღიაროს.
„ამჟამად, ბიტკოინს ინდუსტრიისგან ჩამორჩენის სერიოზული საფრთხე ემუქრება, რადგან ინდუსტრიის სხვა მონაწილეები კლიმატის კრიზისის თავიდან აცილებისთვის მუშაობენ. მაშინ, როცა ზოგიერთი კომპანია მიდგომების მოდერნიზებას და კრიპტო აქტივების მოპოვებისა და შენახვის მეთოდების შეცვლას ცდილობს, ბიტკოინის მაინინგი სულ უფრო და უფრო ბინძური ხდება – ქვანახშირი კვლავაც ელექტროენერგიის მთავარი წყაროა“- ამბობს Greenpeace-ის წარმომადგენელი როლფ სკარი (Rolf Skar).
Greenpeace ბიტკოინის ქსელის ფუნდამენტური პრინციპის შეცვლის ინიციატივით გამოდის და ქსელს Proof-of-Work (PoW) კონსენსუსის მექანიზმის Proof-of-Stake (PoS)-ით ჩანაცვლებას სთავაზობს.
ინიციატივას ჰქვია „შეცვალეთ კოდი და არა კლიმატი“ და მას დავოსის მსოფლიო ეკონომიკურმა ფორუმმა მხარი უკვე დაუჭირა.
მანამდე ანალიტიკურმა კომპანიამ Glassnode გამოაქვეყნა ანგარიში, საიდანაც ირკვევა, რომ პირველი კრიპტოვალუტის ღირებულება 2021 წლის 10 ნოემბერს დაფიქსირებულ ისტორიულ მაქსიმუმზე 76%-ით დაბალია.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)