თურქეთის ცენტრალური ბანკი ციფრული ლირის ტესტირებას იწყებს

თურქეთის ცენტრალურმა ბანკმა ციფრული ლირის ტესტირებისა და შემდეგ მის ქვეყნის მოქმედ საგადახდო
ინფრასტრუქტურაში დანერგვისათვის პლატფორმის შემუშავება დაიწყო.

ადგილობრივი მასმედიის ინფორმაციით, თურქეთის ცენტრალურმა ბანკმა შეთანხმება გააფორმა ტექნოლოგიურ ფირმებთან
Aselsan და Havelsan, ასევე თურქეთის სამეცნიერო-ტექნიკური კვლევის საბჭოსთან (TÜBITAK) და ინფორმაციული
უსაფრთხოების კვლევის ცენტრთან (BILGEM). ისინი დაიწყებენ მუშაობას ბლოკჩეინზე დაფუძნებული პლატფორმის
პროტოტიპზე, რომლის მეშვეობითაც ცენტრალური ბანკის ციფრული ვალუტის პოტენციური სარგებლის გამოსავლენად
კვლევები ჩატარდება.

თურქეთის ცენტრალურმა ბანკმა ციფრული ლირის კონცეფციის დასამტკიცებლად ტესტირების დასრულებისა და ახალ ეტაპზე გადასვლის შესახებ გამოაცხადა, რომელშიც მონაწილეობას ბანკის ტექნოლოგიური პარტნიორები მიიღებენ. მომავალში თურქეთის ცენტრალური ბანკი გეგმავს გამოიკვლიოს რამდენად ეფექტური შეიძლება იყოს ციფრული ლირის საგადახდო სისტემებში გამოყენება.

ამასთან, მარეგულირებელმა განმარტა, რომ სახელმწიფო სტეიბლკოინის ამოქმედების შესახებ საბოლოო გადაწყვეტილება ჯერ მიღებული არ არის, საპილოტე პროექტის საწყისი ეტაპის შედეგები კი მხოლოდ 2022 წელს იქნება ცნობილი. იმის გასაგებად, თუ რამდენად მიზანშეწონილია ციფრული ვალუტის ამოქმედება, მარეგულირებელი მის ტექნოლოგიურ ალტერნატივებს შეისწავლის. გარდა ამისა, აუცილებელია გაირკვეს შეძლებს თუ არა არსებული ტექნოლოგიები იმის უზრუნველყოფას, რომ ციფრულმა ლირამ ეკონომიკური, სამართლებრივი და ფინანსური მოთხოვნები დააკმაყოფილოს.

ბევრმა ცენტრალურმა ბანკმა სახელმწიფო კრიპტოვალუტების პოტენციალის შესწავლა დიდი ხანია დაიწყო. მაგალითად, ისრაელის ცენტრალური ბანკის მკვლევარები უფრო მეტ უპირატესობას ხედავენ ციფრული შეკელის ამოქმედებაში დიდ უპირატესობას ხედავენ, ვინაიდან ის შესაძლებელს გახდის საერთაშორისო გადასახადები უფრო სწრაფად და იაფად განხორციელდეს. ინდოეთის სარეზერვო ბანკი (RBI) ასევე ავითარებს სტრატეგიას ციფრული რუპიის ეტაპობრივი დანერგვისთვის.

წყარო: https://bits.media

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას