by Giorgi 
ადრეულმა ინვესტორმა 9 წლიანი დუმილის შემდეგ 50,000 ETH გადაიტანა
Arkham Intelligence-ის ანალიტიკოსების მონაცემების თანახმად, Ethereum-ის ერთ-ერთი პირველი მსხვილი ინვესტორი, ე.წ. „ვეშაპი“, ცხრაწლიანი ჰიბერნაციის შემდეგ ხელახლა გააქტიურდა და 50,000 ETH (დაახლოებით 146 მილიონი დოლარი) კრიპტო ბირჟა Gemini-ის საფულეში გადაიტანა.
0xb5…Fb168D6-ის სახელით იდენტიფიცირებული მისამართიდან 25 იანვარს ჯერ 25,000 ETH-ის, რამდენიმე საათის შემდეგ კი კიდევ 25,000 ETH-ის გადარიცხვა მოხდა. ბლოკჩეინ EmberCN-ის ექსპერტებმა აღმოაჩინეს, რომ მისამართის მფლობელის ბოლო აქტივობა 2017 წელს განხორციელდა, როდესაც მან კრიპტო ბირჟიდან Bitfinex დაახლოებით 135,000 ETH გამოიტანა. იმ დროს Ethereum-ის კურსი მხოლოდ 90 დოლარს შეადგენდა. მონეტების ბოლოდროინდელი გადაადგილების შემდეგაც კი, „ვეშაპის“ მისამართზე კვლავ ინახება 85,283 ეთერიუმი, რომელთა ღირებულება 244 მილიონ დოლარს შეადგენს.
ბლოკჩეინის ანალიტიკოსების ვარაუდით, კრიპტო აქტივების მფლობელს მათი გადატანა სამი შესაძლო მიზეზით შეეძლო : უსაფრთხოების გასაძლიერებლად, შენახვის ადგილმდებარეობის შესაცვლელად ან გაყიდვისთვის მოსამზადებლად.
კრიპტოვალუტის ადრეული ინვესტორები ბოლო დროს სულ უფრო ხშირად აქტიურდებიან. გასულ კვირას, ინვესტორმა, რომელმაც ბიტკოინი 2012 წლის დეკემბრიდან 2013 წლის აპრილამდე პერიოდში შეიძინა, 13 წლიანი უმოქმედობის შემდეგ 909 ბიტკოინის გადაიტანა განახორციელა, რომელთა ღირებულება 85 მილიონ დოლარს შეადგენდა.
გასულ წელს, ეთერიუმის კიდევ ერთმა მსხვილმა მფლობელმა, რომელმაც მონაწილეობა ეთერიუმის მონეტების პირველად შეთავაზებაში (ICO) მიიღო, 5,000 ETH კრიპტო ბირჟა Kraken-ზე გადაიტანა.
წყარო: https://intel.arkm.com/explorer/address/0xb5Ab08D153218C1A6a5318B14eeb92DF0Fb168D6
სიახლეების გამოწერა
