ბიტკოინის ემისიის ლიმიტი შესაძლოა გადაიხედოს

ბიტკოინის ემისიის ლიმიტი შესაძლოა გადაიხედოს

საინვესტიციო კომპანია BlackRock-ის მიერ პირველი კრიპტოვალუტის შესახებ გამოქვეყნებულ ვიდეოში ნათქვამია, რომ ბიტკოინის 21 მილიონი მონეტის ემისიის ლიმიტი, შესაძლოა მომავალში გადაიხედოს.

ვიდეოში ხაზგასმულია, რომ ბიტკოინის მიწოდება პროტოკოლის კოდში ჩადებული წესებით მკაცრად არის შეზღუდული, მაგრამ არ არსებობს გარანტია იმისა, რომ ისინი მომავალშიც არ შეიცვლება.

ბიტკოინის უმსხვილესი საჯარო მფლობელის, კომპანია MicroStrategy-ის ხელმძღვანელმა მაიკლ სეილორმა (Michael Saylor) ვიდეო თავის გამომწერებს გაუზიარა, თუმცა კომენტარი არ გაუკეთებია.

კომპანია Dashpay-ის მარკეტინგის დირექტორი ჯოელ ვალენზიელა (Joel Valenzye) მიიჩნევს, რომ BlackRock საზოგადოებას მომავალში ლიმიტის მოსალოდნელი ცვლილებისთის წინასწარ ამზადებს.

„ისინი აიძულებენ ყველას ამ პერსპექტივას შეეგუონ. როდესაც ლიმიტის გაზრდა მოხდება, ამას ისე წარმოაჩენენ, თითქოს ეს ყოველთვის გეგმის ნაწილი იყო. და დღეს, 2024 წელს, ადამიანებს ჰყოფნით თავხედობა თქვან, რომ ბიტკოინი არ იმართება.“- თქვა მან.

კრიპტო საზოგადოებაში ვარაუდობენ, რომ BlackRock ამ გზით პირველი კრიპტოვალუტის ფორკის და ახალი მონეტის ამოქმედების შემთხვევაში, რომელსაც მოგვიანებით ბიტკოინი დაერქმევა, შესაძლო სამართლებრივი პრობლემებისგან თავის დაცვას შეეცდება.

მანამდე, ანალიტიკური პლატფორმის Messari-ის სპეციალისტებმა გამოაქვეყნეს პროგნოზი, რომლის მიხედვითაც 2025 წელს ინვესტორების ყურადღების ცენტრში ბიტკოინი და ტოკენიზებული რეალური აქტივები (RWA) იქნება.