ბიტკოინის კურსის ვარდნა მოკლევადიანი კორექციაა

ბიტკოინის კურსის ვარდნა მოკლევადიანი კორექციაა

საბროკერო კომპანია Bernstein-ის ანალიტიკოსების აზრით, 126 000 დოლარის ისტორიული მაქსიმუმიდან ბიტკოინის 25%-იანი ვარდნა ფასის მოკლევადიანი კორექციაა და კრიპტოვალუტის ბაზრის ვარდნას არ მოასწავებს.

Bernstein-ის უფროსმა ანალიტიკოსმა გაუტამ ჩჰუგანიმ (Gautam Chhugani) ინვესტორებს მოუწოდა, პანიკას არ აყვნენ.

მისი აზრით, ბიტკოინის ამჟამინდელი მდგომარეობა 2013, 2017 და 2021 წლებისგან სრულიად განსხვავდება.

საუბარია ოთხწლიანი ციკლის მოდელზე, რომლის დროსაც რეკორდული მაქსიმუმის მიღწევის შემდეგ ბიტკოინი 60-70%-ით ეცემა და კრიპტო ბაზარზე დაღმავალი ტენდენცია დიდხანს გაგრძელდა.

Bernstein-ში მიაჩმიათ, რომ წინა ციკლებისგან განსხვავებით ბიტკოინი ახლა ბევრად უფრო ძლიერია.

მთავარი ფაქტორი, რითაც ბიტკოინის მიმდინარე კორექცია წინა ციკლებისგან განსხვავდება – მსხვილი კომპანიების მხრიდან კრიპტოვალუტაში განხორციელებული გრძელვადიანი ინვესტიციებია. ანალიტიკოსები გვახსენებენ, რომ ადრე ბაზარზე საცალო ინვესტორები დომინირებდნენ.

ბოლო ექვსი თვის განმავლობაში, 38 მილიარდი დოლარის ღირებულების დაახლოებით 340,000 BTC იქნა გაყიდული, რომელთა უმეტესობაც მფლობელებთან მინიმუმ ერთი წლის მანძილზე ინახებოდა.

გაყიდულმა ბიტკოინებმა მსხვილი ინვესტორების მხრიდან სპოტ გაცვლით სავაჭრო ფონდებში (ETF) დაბანდებულ კაპიტალს გადააჭარბა.

2024 წლის ბოლოს, Bitcoin ETF-ებში კორპორატიული ინვესტიციების წილი 20% -ს შეადგენდა. ახლა ეს მაჩვენებელი 28%-მდე გაიზარდა.

Bernstein-ის ექსპერტების აზრით, ბიტკოინის გაცვლით სავაჭრო ფონდებში (ETF) არსებული აქტივების მთლიანმა მოცულობამ, ბოლო სამი კვირის განმავლობაში 3 მილიარდი დოლარის გადინების მიუხედავად, 125 მილიარდი დოლარი შეადგინა.

ანალიტიკოსები მიიჩნევენ, რომ აშშ-ის კორპორატიული სახაზინო ობლიგაციების ბოლოდროინდელი 34 მილიარდი დოლარის ემისია მნიშვნელოვანია. ამ ობლიგაციების ემიტენტები მათი გაყიდვიდან მიღებულ შემოსავალს ბიტკოინის შესაძენად იყენებენ.

Bernstein-ში მიიჩნევენ, რომ ბიტკოინის უმსხვილესი კორპორატიული მფლობელი, Strategy (ყოფილი MicroStrategy), კრიპტოვალუტის ყიდვას გააგრძელებს. ანალიტიკოსების განმარტებით, Strategy-სთვის BTC-ის ფასის კლება კიდევ უფრო მეტი კრიპტოვალუტის შეძენის შესაძლებლობაა.

ცოტა ხნის წინ კომპანია Strategy-მ აშშ-ის მარეგულირებლებს 8,178 ბიტკოინის შეძენის შესახებ აცნობა, რომელთა ღირებულება დაახლოებით 835 მილიონი დოლარია. კომპანიამ მონეტები 102,171 დოლარად შეიძინა. ამჟამად Strategy-ს 649,870 ბიტკოინი აქვს.

წყარო: https://www.theblock.co/post/379010/bernstein-bitcoin-cycle-peak