ბიტკოინი მალე 1 მილიონ დოლარს მიაღწევს

ბიტკოინი მალე 1 მილიონ დოლარს მიაღწევს

Trump Organization-ის ვიცე-პრეზიდენტმა და აშშ-ის ახლად არჩეული პრეზიდენტის დონალდ ტრამპის ვაჟმა ერიკ ტრამპმა ბიტკოინი ფინანსური რევოლუციის საკვანძო ფაქტორად მოიხსენია და გამოთქვა მოსაზრება, რომ პირველი კრიპტოვალუტის ფასი მალე 1 მილიონ დოლარს მიაღწევს.

აბუ-დაბიში კონფერენცია Bitcoin MENA 2024-ზე გამოსვლისას, ერიკ ტრამპმა ტრადიციულ ფინანსებთან შედარებით ბიტკოინს მრავალი უპირატესობა აღნიშნა. მან პირველ კრიპტოვალუტას მთელი მსოფლიოსთვის ღირებული საერთაშორისო აქტივი უწოდა, რომელსაც სულ უფრო ნაკლებად ემუქრება ინფლაცია, პოლიტიკური არასტაბილურობა და სტიქიური უბედურებები.

დეცენტრალიზებული ბუნებისა და 21 მილიონი მონეტის შეზღუდული მიწოდების წყალობით, ბიტკოინი შეიძლება იყოს საიმედო ინსტრუმენტი დანაზოგის დასაცავად. ერიკ ტრამპმა მადლობა გადაუხადა მამას კრიპტოვალუტების განვითარების მხარდაჭერისთვის, რაც გახდა მიზეზი იმისა, რომ ბიტკოინმა ახალ რეკორდულ მაჩვენებელს 100,000$-ზე მეტს მიაღწია.

„ბიტკოინი ფინანსების მომავალია. ბიტკოინი გამორიცხავს ათიათასობით ბანკირის საჭიროებას, რომლებიც ურიცხვი ფინანსური დოკუმენტაციის დამუშავებაში გადაჭარბებულ თანხებს იღებენ. კრიპტოვალუტით საერთაშორისო ტრანზაქციების განხორციელება ბევრად უფრო მარტივია.“- თქვა ერიკ ტრამპმა.

მან ხელიდან არ გაუშვა შესაძლებლობა, ჯო ბაიდენის ადმინისტრაცია „კრიპტოვალუტებთან ომისთვის“ გაეკრიტიკებინა. საუბარია აშშ-ის ფასიანი ქაღალდებისა და ბირჟების კომისიის (SEC) მიერ კრიპტოვალუტის სფეროში მოქმედი მსხვილი კომპანიების, ბირჟებისა და სტარტაპების წინააღმდეგ არაერთ სარჩელზე.

„ისინი, ვინც ბიტკოინს ახლა იღებენ, მთავრობები თუ ინსტიტუტები, ციფრულ რევოლუციაში გამარჯვებულები იქნებიან. ბიტკოინი ხდება ლიკვიდური, მას არ აქვს საზღვრები, მას უკვე შეიძლება ეწოდოს გლობალური ვალუტა. ბიტკოინი დამოუკიდებელია ტრადიციული საბანკო სისტემებისგან და არ ექვემდებარება კორუმპირებული მთავრობების გავლენას. ხალხს ამაზე თვალი მაშინ აეხილება, როცა ბიტკოინი 1 მილიონ დოლარს მიაღწევს. დარწმუნებული ვარ, რომ ის ამ ნიშნულს მალე მიაღწევს.“ – თქვა ერიკ ტრამპმა.

ცოტა ხნის წინ ერიკ ტრამპმა კრიპტო კომპანიების დევნისთვის SEC-ის თავმჯდომარე გერი გენსლერი (Gary Gensler) გააკრიტიკა. ტრამპი მიიჩნევს, რომ კრიპტო ინდუსტრიის განვითარების ადეკვატური სამართლებრივი სტანდარტების გაჩენით, შეერთებული შტატები შეიძლება „გლობალური კრიპტო ძალა“ გახდეს.