ბიტკოინმა ახლო აღმოსავლეთში ომის პირობებში მდგრადობა გამოავლინა

ბიტკოინმა ახლო აღმოსავლეთში ომის პირობებში მდგრადობა გამოავლინა

კომპანია QCP Capital-ის ანალიტიკოსების განცხადებით, ისრაელსა და ირანს შორის მიმდინარე სამხედრო მოქმედებების მიუხედავად, ბიტკოინმა სიმწიფე და კურსის სტაბილურობა აჩვენა.

ბიტკოინმა დანაკარგების ანაზღაურება მოახერხა და კვირის მინიმუმიდან – 102,800$-დან 106,800$-მდე აღდგა. ანალიტიკოსებმა ისიც აღნიშნეს, რომ მსგავსი დინამიკა ალტკოინებმა და ფიუჩერსებმაც აჩვენეს.

პირველი კრიპტოვალუტის მიერ სტაბილური პოზიციის შენარჩუნებას მსხვილი ლეგალური ინვესტორების მიერ ბიტკოინის უწყვეტი დაგროვება უწყობს ხელს. QCP Capital-ის ექსპერტების თქმით, ბიტკოინის შესყიდვა განაგრძეს კომპანიებმა Metaplanet და Strategy. ხოლო Bitcoin-ის გაცვლით სავაჭრო ფონდებში (ETF) თანხების შემოდინება ზედიზედ მეშვიდე კვირის განმავლობაში დაფიქსირდა.

13 ივნისს ბიტკოინის კურსის 3%-იანი ვარდნა 2024 წლის აპრილის მაჩვენებელზე ბევრად ნაკლებია. მაშინ ისრაელსა და ირანს შორის მასშტაბური სამხედრო დაპირისპირების ფონზე ბიტკოინი 8%-ზე მეტით დაეცა. სავაჭრო კომპანიის ექსპერტების აზრით, ეს მიუთითებს ბიტკოინის ბაზრის მზარდ სიმწიფესა და მის უნარზე , არსებულ შოკურ ვითარებას გაუმკლავდეს.

ანალიტიკოსები მიიჩნევენ, რომ ინვესტორები სიფრთხილეს იჩენენ, რადგან ახლო აღმოსავლეთში კონფლიქტის შემდგომმა ესკალაციამ ან კომფლიქტში შეერთებული შტატების პირდაპირმა სამხედრო ჩარევამ შესაძლოა გლობალური ფინანსური სისტემა დაარღვიოს და მაღალი რისკის მქონე აქტივებიდან კაპიტალის გადინება გამოიწვიოს.

მანამდე, მსოფლიოში უდიდესი კრიპტო ბირჟა Binance-ის აღმასრულებელმა დირექტორმა, რიჩარდ ტენგმა () განაცხადა, რომ კრიპტოვალუტების მიმართ ინტერესი მკვეთრად გაიზარდა ინსტიტუციონალური ინვესტორების, მათ შორის სუვერენული ფონდებისა და სუპერ მდიდარი ადამიანების მხრიდან მხრიდან.