by Giorgi 
ბრაიან არმსტრონგმა ბანკები კრიპტო კომპანიებზე ზეწოლაში დაადანაშაულა
Coinbase-ის აღმასრულებელი დირექტორის ბრაიან არმსტრონგის (Brian Armstrong) გაცხადებით, ბანკების მხრიდან კანონმდებლებზე ზეწოლის მცდელობა სტეიბლკოინების მარეგულირებელ კანონს (GENIUS) გადახედონ „წითელ ხაზს კვეთს“ და იმაზე მიუთითებს, რომ ბანკირები პოლიტიკურ ზეწოლას კრიპტო კომპანიების კონკურენციის აღმოსაფხვრელად იყენებენ.
არმსტრონგმა სოციალურ ქსელ X-ზე პოსტი გამოაქვეყნა, სადაც ბანკირების ქმედებების გამო თავისი აღშფოთება გამოხატა. კანონი სტეიბლკოინების ემიტენტებს ტოკენების მფლობელებისთვის პროცენტის გადახდას უკრძსლავს, თუმცა მომხმარებლებისთვის ჯილდოს შეთავაზების შესაძლებლობას პლატფორმებს და მესამე მხარეებს აძლევს.
„არავის მივცემთ GENIUS-ის გადახედვის უფლებას. მე მჯერა, რომ რამდენიმე წელიწადში ბანკები პოზიციას შეიცვლიან და ლობირებას სტეიბლკოინებზე პროცენტის გადახდის შესაძლებლობის მოსაპოვებლად დაიწყებენ, როდესაც ამ შესაძლებლობას გააცნობიერებენ. ამიტომ, ახლა მათი მხრიდან გაწეული ძალისხმევა 100%-ით ფუჭია, რომ აღარაფერი ვთქვათ მის არაეთიკურობაზე.“ – წერს არმსტრონგი.
არმსტრონგის პოსტი Digital Ascension Group-ის ბიზნესის განვითარების ხელმძღვანელის, მაქს ევერის (Max Avery) ტვიტის კომენტარს წარმოადგენს. ავერიმ გამოთქვა ვარაუდი, თუ რატომ უბიძგებენ ბანკები კანონმდებლებს GENIUS-ის გადახედვისკენ. ამჟამად, ბანკები დაახლოებით 4%-ს აშშ-ს ფედერალურ რეზერვში დეპონირებული რეზერვებიდან გამოიმუშავებენ, ხოლო მათი მომხმარებლები მცირე თანხებს შემნახველი ანგარიშებიდან. ევერის თქმით, სტეიბლკოინების ემიტენტებმა და მათმა მხარდამჭერმა პლატფორმებმა ამ მოდელს შესაძლოა ხელი შეუშალონ, რადგან მომხმარებელს საკუთარი შემოსავლის გაზიარებას სთავაზობენ.
ცოტა ხნით ადრე არმსტრონგმა განაცხადა, რომ სტეიბლკოინების ლეგიტიმურ აქტივებად აღიარების შემთხვევაში, GENIUS-ის აქტს აქვს პოტენციალი მოძველებული ფინანსური სისტემა დაამარცხოს.
წყარო: https://x.com/brian_armstrong/status/2004693396074758287
სიახლეების გამოწერა
