ეთერიუმის ქსელში საკომისიო მინიმუმამდე დაეცა

ეთერიუმის ქსელში საკომისიო მინიმუმამდე დაეცა

ეთერიუმის ქსელში ტრანზაქციების რაოდენობამ რეკორდულ მაქსიმუმს მიაღწია: კვირის საშუალო მაჩვენებელმა 2.43 მილიონი შეადგინა, რაც წინა წელს დაფიქსირებულ მაჩვენებელზე თითქმის ორჯერ მეტია. ამასთან, ტრანზაქციების საშუალო საკომისიო ქსელის ისტორიაში ყველაზე დაბალ ნიშნულამდე დაეცა.

ახალ მაქსიმუმს მიაღწია სტეიკინგის აქტივობამაც. ValidatorQueue-ს მონაცემებით, ამჟამად სტეიკინგ კონტრაქტებში 36 მილიონზე მეტი ETH არის ბლოკირებული, რაც მიმოქცევაში არსებული ეთერიუმის დაახლოებით 30%-ს შეადგენს.

სტეიკინგში შესვლის რიგმა 2.5 მილიონ ETH-ს მიაღწია, რაც 2023 წლის აგვისტოს შემდეგ ყველაზე მაღალი მაჩვენებელია. ხოლო სტეიკინგიდან გამოსვლის რიგი თითქმის ნულამდე შემცირდა. ეთერიუმის ქსელში აქტივობის შესამჩნევი ზრდა დეკემბრის შუა რიცხვებიდან შეინიშნება.

ამასობაში, The Block-ის ცნობით, ტრანზაქციის საშუალო ღირებულება 0.15 დოლარამდე შემცირდა. სერვის Etherscan-ზე კი კიდევ უფრო დაბალი მაჩვენებელი დაფიქსირდა : კვირას, სვოპის საშუალო საკომისიომ მხოლოდ 0.04 დოლარი შეადგინა.

ქსელის აქტივობა ჰარდფორკ Fusaka-ს ამოქმედებიდან შვიდი კვირის შემდეგ გაიზარდა. ამ განახლებამ PeerDAS (Peer Data Availability Sampling) ტექნოლოგიის დანერგვა მოახდინა, რომელიც ქსელის გადატვირთვას ამცირებს. გარდა ამისა, ნოემბრის ბოლოს, ქსელის ბლოკის გაზის ლიმიტი 45 მილიონიდან 60 მილიონამდე გაიზარდა, რაც 2025 წლის დასაწყისში არსებულ მაჩვენებელს ორჯერ აღემატება.

ტრანზაქციების რიცხვის ზრდას ასევე აშშ დოლარზე მიბმული ტოკენების პოპულარობას უკავშირებენ . Standard Chartered-ის მონაცემებით, სტეიბლკოინების გადარიცხვები ამჟამად ეთერიუმის ქსელის ტრანზაქციების მთლიანი მოცულობის 35-40%-ს შეადგენს.

წყარო: https://www.theblock.co/post/386079/ethereum-daily-transactions-surge-to-all-time-high-as-gas-fees-fall-to-record-lows