ერიკ ტრამპის თქმით კრიპტოვალუტა ფინანსების მომავალია

ერიკ ტრამპის თქმით კრიპტოვალუტა ფინანსების მომავალია

Trump Organization-ის აღმასრულებელმა ვიცე-პრეზიდენტმა ერიკ ტრამპმა კრიპტოვალუტის მომავალთან დაკავშირებით საკუთარი მოსაზრებები გააზიარა და თავისი მაინინგ კომპანიის წარმატებებზე ისაუბრა.

Yahoo Finance Invest-ის ღონისძიებაზე აშშ-ის პრეზიდენტის შვილმა განაცხადა, რომ მისი მაინინგ კომპანია American Bitcoin (ABTC), რომელიც მისი ძმის, დონალდ ტრამპ უმცროსის მიერ არის დაარსებული, სექტემბერში საჯარო გახდა.

American Bitcoin-ის საბაზრო კაპიტალიზაციამ ამჟამად დაახლოებით 4 მილიარდ დოლარს მიაღწია. ერიკ ტრამპის განცხადებით, კომპანიის Gryphon Digital Mining-თან შერწყმა მის საქმიანობას გააფართოვებს.

მისი თქმით, American Bitcoin ამოქმედებიდან რვა თვის შემდეგ დაგროვებული ბიტკოინების მოცულობის მიხედვით აშშ-ში საჯარო კრიპტო კომპანიებს შორის 25-ე ადგილზეა.

ერიკ ტრამპმა თავისი ბიზნესის კონკურენტული უპირატესობა დასავლეთ ტეხასში ელექტროენერგიის დაბალი ტარიფით ახსნა.

Trump Organization-ის ხელმძღვანელი დარწმუნებულია, რომ ბიტკოინი, სხვა კრიპტოვალუტებთან ერთად, საინვესტიციო სამყაროს განუყოფელი ნაწილი გახდება.

ერიკ ტრამპი მიიჩნევს, რომ კრიპტოვალუტებს გადახდებისა და ფულადი გზავნილების სიჩქარის გაზრდის ხარჯზე ფინანსური სისტემის გაუმჯობესების პოტენციალი აქვთ.

„ბიტკოინი ინფლაციის, კორუფციისა და ცუდად მართული მონეტარული სისტემებისგან მთელს მსოფლიოში საუკეთესო დაცვას წარმოადგენს . სწორედ ამიტომ არის ბიტკოინში საერთაშორისო ინვესტიციების უზარმაზარი შემოდინება. ეს კრიპტოვალუტა ჩვენი დროის უდიდეს აქტივად იქცა.“- თქვა ერიკ ტრამპმა.

ცოტა ხნის წინ ბიზნესმენმა ჩამოთვალა ფაქტორები, რომლებმაც შესაძლოა მომდევნო წლებში ბიტკოინის 1 მილიონი დოლარის ნიშნულამდე ზრდა გამოიწვიოს, ესენია : ბიტკოინის შეძენის მსურველი კომპანიების რაოდენობის ზრდა და აშშ-ის ფედერალური რეზერვის მიერ საპროცენტო განაკვეთების თანმიმდევრული შემცირება.

წყარო: https://finance.yahoo.com/news/eric-trump-says-the-future-of-finance-is-crypto-211158417.html