by Giorgi 
კომპანიამ Circle ტოკენ Arc-ის წინასწარ გაყიდვებზე 222 მილიონი დოლარი მოიზიდა
CNBC-ის ინფორმაციით, კომპანია Circle Internet Group-მა თავისი ახალი, პირველი დონის ბლოკჩეინის, Arc-ის მშობლიური ტოკენების წინასწარი გაყიდვების შედეგად 222 მილიონი დოლარი მოაგროვა.
ARC-ის უმსხვილესი ინვესტორი კომპანია Andreessen Horowitz (a16z) გახდა, რომელმაც 75 მილიონი დოლარის ინვესტიცია განახორციელა. სხვა ინვესტორებს შორის არიან: BlackRock, Apollo Funds, SBI Group, Janus Henderson Investors, Standard Chartered Ventures, General Catalyst, Marshall Wace, ARK Invest, IDG Capital, Haun Ventures, გამოცემა CoinDesk-ის მფლობელი ბირჟა Bullish, ნიუ-იორკის საფონდო ბირჟის (NYSE) მშობელი კომპანია კორპორაცია Intercontinental Exchange.
Circle-ის გენერალური დირექტორის, ჯერემი ელაირის (Jeremy Allaire) განმარტებით, Arc არის ღია ბლოკჩეინი, რომელიც სტეიბლკოინებთან და ტოკენიზებულ აქტივებთან მუშაობს. იგი მსხვილი ფინანსური კომპანიებისთვის არის შექმნილი და ბანკებისა და საგადახდო სისტემების მოთხოვნებს სრულად შეესაბამება.
კომპანიის ხელმძღვანელის თქმით, Circle ტოკენების საწყისი 10 მილიარდიანი მარაგის 25%-ს მიიღებს. კომპანია ქსელის ვალიდატორი გახდება და საკომისიოებიდან და სტეიკინგიდან შემოსავლის მიღებას შეძლებას.
აქტივების დიდი ნაწილი – ტოკენების 60% ეკოსისტემის მომხმარებლებისთვის არის განკუთვნილი. 15% კი გრძელვადიან რეზერვში გადავა.
„მიუხედავად იმისა, რომ კორპორაციები და ფინანსური ინსტიტუტები USDC სტეიბლკოინებს უკვე იყენებენ, პრობლემები რჩება. ინფრასტრუქტურა, რომლის ბაზაზეც დღეს USDC მუშაობს, არა მსხვილი ინსტიტუტებისთვის, არამედ კერძო პირებისა და კრიპტოენთუზიასტებისთვის შეიქმნა. სწორედ აქ შემოდის თამაშში ბლოკჩეინი Arc.“ – ასე განმარტა პროექტში ინვესტირება a16z-ის ხელმძღვანელობამ.
ამასთანავე, ცოტა ხნის წინ Circle-მა საფრანგეთის ფინანსური ბაზრების სამმართველოსგან (AMF) სტეიბლკოინების USD Coin (USDC) და Euro Coin (EURC) შენახვასა და გადარიცხვაზე ლიცენზია მოიპოვა.
კომპანიას ევროკავშირის კრიპტოაქტივების რეგულირების ჩარჩოს (MiCA) ფარგლებში მომსახურების გაწევა მთელი ევროპის ეკონომიკური ზონის (EEA) მასშტაბით შეუძლია.
სიახლეების გამოწერა
