by Giorgi 
კომპანიამ Strategy ბიტკოინის რეზერვები 2 მილიარდი დოლარით გაზარდა
ბიტკოინის უმსხვილესმა საჯარო კორპორატიულმა მფლობელმა, კომპანიამ Strategy 12-18 იანვრის პერიოდში 22,305 ბიტკოინი შეიძინა, რითაც პირველი კრიპტოვალუტის მარაგი 709,715 მონეტამდე გაზარდა.
ბოლო შენაძენისას მონეტის საშუალო ფასი 95,284 აშშ დოლარი იყო, ჯამურმა შენაძენმა დაახლოებით 2 მილიარდი აშშ დოლარი შეადგინა. კომპანიის ცნობით, გარიგების უზრუნველყოფა როგორც Strategy-ის ჩვეულებრივი (MSTR), ისე პრივილეგირებული STRC-ისა და STRK-ის აქციების გაყიდვით მოხდა.
2020 წლიდან მოყოლებული, Strategy-მ ბიტკოინის რეზერვებში დაახლოებით 53.92 მილიარდი დოლარის ინვესტიცია განახორციელა. ამ პერიოდის განმავლობაში ერთი ბიტკოინის შესყიდვის საშუალო ფასი 75,979 აშშ დოლარი იყო. ამჟამად, კომპანიის დაგროვილი რეზერვები ბიტკოინის მთლიანი მიწოდების 3%-ს აღემატება.
ბიტკოინის ეს უკანასკნელი შენაძენი კომპანიისთვის 2026 წელს რიგით მეორეა. 5-11 იანვრის პერიოდში Strategy-მ 1.25 მილიარდ დოლარად დამატებით 13,627 ბიტკოინი შეიძინა.
2025 წელს Strategy-იმ 106,000-ზე მეტი ბიტკოინის შენაძენი განახორციელა. კომპანიის თავმჯდომარის, მაიკლ სეილორის თქმით, ბიტკოინის შესაძენად კვირაში მინიმუმ 500 მილიონი დოლარის დახარჯვას იმედოვნებს.
სეილორის განცხადებით, კომპანიის სტრატეგიას რაც შეიძლება მეტი ბიტკოინის შეძენა და შემდეგ მისი საჯარო მიმოქცევიდან ამოღება წარმოადგენს. ბიზნესმენი იმედოვნებს, რომ ამით კომპანია ჭარბი უზრუნველყოფის მექანიზმს მიაღწევს.
სეილორის ეს იდეა ადრე ეკონომისტმა რამ ბენ ზეევმა (Ram ben Zeev) გააკრიტიკა. მისი მოსაზრებით, ბიტკოინი არ ახდენს ფულადი ნაკადის გენერირებას და მისი ფასი პირდაპირ ბაზრის სპეკულაციაზეა დამოკიდებული. გარდა ამისა, ის მიიჩნევს, რომ „ბიტკოინის მთლიანად შეძენის“ მცდელობა მათემატიკურადაც კი შეუძლებელია.
წყარო: https://www.strategy.com/press/strategy-acquires-22305-btc-and-now-holds-709715-btc_01-20-2026
სიახლეების გამოწერა
