მთლიანი ბიტკოინი ინვესტორებისთვის მიუწვდომელი გახდა

მთლიანი ბიტკოინი ინვესტორებისთვის მიუწვდომელი გახდა

BTCPeers-ის მკვლევარების განცხადებით, პირველი კრიპტოვალუტის შეზღუდული მიწოდება და ამჟამინდელი საბაზრო ღირებულება პოტენციურ კრიპტო-ინვესტორებს თუნდაც ერთი მთლიანი ბიტკოინის ყიდვის შესაძლებლობას არ აძლევს.

მსოფლიოში მილიონერების რაოდენობის ზრდის მიუხედავად, ბიტკოინის გლობალურ ბაზარზე თანაბარ კონკურენტებს შორის ბრძოლა სულ უფრო და უფრო მეტად იქცევა ექსკლუზიურ ფენომენად. პირველი კრიპტოვალუტის 21 მილიონი მონეტის მიწოდების ლიმიტი ფინანსურ ბაზარზე არსებული 58 მილიონი მილიონერის ფონზე მნიშვნელოვან დეფიციტს წარმოადგენს.

„ბიტკოინის დეფიციტის მათემატიკური რეალობა ის არის, რომ იმ შემთხვევაშიც კი თუ ყველა მილიონერს მხოლოდ ერთი ბიტკოინის ყიდვა მოუნდება, მათგან 37 მილიონი ამას ვერ შეძლებს. ეს ნიშნავს, რომ დღევანდელი მილიონერების 63.8% ვერასოდეს შეძლებს მთლიანი ბიტკოინი შეიძინოს.“- აღნიშნავენ მკვლევარები.

დღეს მსოფლიოს მოსახლეობის მხოლოდ მცირე ნაწილი ფლობს თუნდაც ერთ ბიტკოინს და ფასის სწრაფი ზრდა, რომელმაც ახლახანს 100,000 დოლარს გადააჭარბა, მთელი მონეტის ფლობის შანსს კიდევ უფრო ამცირებს, განსაკუთრებით ახალგაზრდა თაობისთვის.

BTCPeers-ის თანახმად, 35 წლამდე საშუალო ამერიკელს დღეს დაახლოებით 20,000 დოლარის დანაზოგი აქვს, რაც ბიტკოინის მიმდინარე კურსის მხოლოდ მეხუთედია.

ექსპერტებს მიაჩნიათ, რომ BTC-ის მიწოდების შეზღუდვა სიმდიდრის განაწილების უნიკალურ დინამიკას ქმნის. მაშინ, როცა მილიონერების რაოდენობა ინფლაციისა და ფულის ემისიის შედეგად შესაძლებელია განუსაზღვრელი რაოდენობით გაიზარდოს, ბიტკოინის მიწოდება იგივე რჩება – 21 მილიონი, რაც მსოფლიოს 8 მილიარდი მოსახლეობის 0.0003%-ზე ნაკლებს შეადგენს.