ვენჩურულმა კაპიტალისტმა ტიმ დრეიპერმა შეგვახსენა, რომ ის თავს ბიტკოინ მაქსიმალისტად არ თვლის. ტვიტერზე დრეიპერმა გამოაქვეყნა შეტყობინება, რამაც გაერთიანების წევრებს გაუჩინა კითხვა, აკონტროლებს თუ არა ის საკუთარ ექაუნთს.
”ცოტა ხნის წინ შევიძინე ბიტკოინ ქეში. ასეთი მარტივია იყიდო და გამოიყენო. შედით Bitcoin.com -ზე. მადლობა როჯერ ვერერს ამ ინოვაციისთვის. #bitcoin #BitcoinCash, ”- წერს დრეიპერი.
ტიმ დრეიპერი, რომელსაც უზარმაზარი ქონება მოუტანა ადრეულმა ინვესტიციების ჩადებამ Twitter, Space X, Tesla და სხვა წარმატებულ კომპანიებში, გახდა სილიკონის ველში ბიტკოინის პირველი ცნობილი მომხრე. მან კრიპტოვალუტა 2014 წელს შეიძინა, აუქციონი მოიგო Silk Road-ის არალეგალური ბაზრისგან ჩამორთმეული 30,000 ბიტკოინის გაყიდვისთვის.
შემდეგ წლებში დრეიპერი აქტიურად უჭერდა მხარს ბიტკოინს, პირობას იძლეოდა, რომ ბიტკოინი გახდებოდა შეერთებული შტატების ოფიციალური ვალუტა მისი პრეზიდენტად არჩევის შემთხვევაში და მოკლევადიან პროგნოზებს აკეთებდა თითო მონეტაზე კურსით 250,000 აშშ დოლარამდე .
ამასთან, დრეიპერი არც ადრე უარყოფდა ბიტკოინის ფორკების მხარდაჭერას, რაც შეიძლება გასაკვირი იყოს მისი სხვა განცხადებების ფონზე.
”ბიტკოინს უდიდესი წილი ექნება ბაზარზე, ბიტკოინ ქეშზეც მუშაობენ დიდი პოტენციალის მქონე ადამიანები”, – თქვა მან თებერვალში. ”მე მომწონს ფორკების იდეა, მიყვარს ინოვაციები, მიყვარს, როდესაც ათასობით ყვავილი ყვავის”.
დრეპერმა ბოლო კომენტარი გააკეთა ბიტკოინ ქეშზე კრიპტოვალუტისთვის რთულ პერიოდში. იგი ცოტა ხნის წინ გადავიდა მეექვსე პოზიციაზე ყველაზე მსხვილი აქტივების ჩამონათვალში Chainlink -ის ტოკენის სწრაფი ზრდის ფონზე. ნოემბერში მას სავარაუდოდ გამოყოფა მოელის, რაც, ზოგიერთი მოსაზრების თანახმად, გამოიწვევს იმ ფაქტს, რომ ბიტკოინ ქეში აღარ იქნება ათ უდიდეს კრიპტოვალუტაში.
დენის პარკერმა, კრიპტო გაერთიანების აქტიურმა წევრმა შეგვახსენა, რომ Bitcoin.com– ის პოპულარიზაციით, დრეპერი ხელს უწყობს რესურსს, რომელიც ცდილობს დაარწმუნოს მომხმარებლები, რომ ბიტკოინ ქეში არის ნამდვილი ბიტკოინი.
დრაიპერის მოქმედებების მოტივებმა, რომლის ქონება 1 მილიარდ დოლარზე მეტია შეფასებული, ბიტკოინის მომხრეები საგონებელში ჩააგდო. ,,რეპუტაციის შექმნას 20 წელი სჭირდება, მის გასანადგურებლად კი ერთი ტვიტი საკმარისია, – დაწერა ერთმა კომენტატორმა. სხვამ ივარაუდა და დაწერა ასე: ”დამშვიდდით, ალბათ ის უბრალოდ შეიპყრეს. ჩვენ უნდა ვიღელვოთ მისი ფიზიკური მდგომარეობის შესახებ და არა სხვა რამეებზე. იქნებ ეს ტვიტი ნიშნავს “დამეხმარეთ, ეროვნული უსაფრთხოების სააგენტომ შემიპყრო”?
წყარო: ttrcoin.com
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)