ნიუ-იორკელი სენატორი მაინინგისთვის ელექტროენერგიის ტარიფების შეცვლის ინიციატივით გამოვიდა

ნიუ-იორკელი სენატორი მაინინგისთვის ელექტროენერგიის ტარიფების შეცვლის ინიციატივით გამოვიდა

ნიუ-იორკის შტატის სენატორის ლიზ კრუგერის (Liz Krueger) განცხადებით, ენერგოინტენსიური ოპერაციებით გამოწვეული გარემოსთვის მიყენებული ზიანის შესამცირებლად, მაინინგ კომპანიებისთვის ელექტროენერგიის გადასახადი დივერსიფიცირებული უნდა იყოს. ის ამ კუთხით ადგილობრივ რეგულაციებში ცვლილებების შეტანის ინიციატივით გამოვიდა.

კრუგერმა მაინერების მიერ ელექტროენერგიის წლიურ მოხმარებაზე აქციზური მოსაკრებლის დაწესების იდეა წამოაყენა. კომპანიებისთვის, რომლებიც 2,26-დან 5 მილიონამდე კვტ/სთ-ს მოიხმარენ მოსაკრებელი კვტ/სთ-ზე 0.02 დოლარს შეადგენს, 5 მილიონიდან 10 მილიონამდე – 0.03 დოლარს, 10 მილიონიდან 20 მილიონამდე – 0.04 დოლარს, ხოლო 20 მილიონზე მეტს – 0.05 დოლარს.

გარდა ამისა, პარლამენტარის აზრით, კომპანიები, რომლებიც წელიწადში 2.25 მილიონ კვტ/სთ-ზე ნაკლებს მოიხმარენ, ასევე ისინი, ვინც სრულად გადავიდნენ განახლებად ენერგიის წყაროებზე, გადასახადისგან სრულად უნდა გათავისუფლდნენ.

„იაფ მწვანე ენერგიაზე წვდომის გარეშე მაინერები ხარჯების ზრდას, დანაკარგებისა და ბიზნესის დახურვის რისკებს წააწყდებიან, რადგან ერთი ბიტკოინის მოპოვების ღირებულება უკვე 70 000 დოლარს აჭარბებს, რაც დამატებითი გადასახადის მიმართ მაინინგის მოწყვლადობას განაპირობებს.“- განმარტა სენატორმა.

ახალი გადასახადი ინდუსტრიის განახლებად ენერგიაზე გადასვლას დააჩქარებს, დასძინა კრუგერმა.

მანამდე, ნიუ-იორკის შტატის დემოკრატმა ასამბლეის წევრმა ფილ სტეკმა(Phil Steck) წარადგინა კანონპროექტი, რომელიც კრიპტოვალუტების  გაყიდვასა და გადაცემაზე სპეციალურ გადასახადს დააწესებს. მოსაკრებელი თანხის 0.2%-ს შეადგენს.

წყარო: https://coinpaper.com/11426/crypto-miners-in-new-york-face-new-energy-tax-proposal