რა განსაზღვრავს კრიპტობაზრის ბედს უახლოეს მომავალში

რა განსაზღვრავს კრიპტობაზრის ბედს უახლოეს მომავალში

ქსელური პლატფორმა Santiment-ის ანალიტიკოსის ბრაიან კვინლივანის (Brian Quinlivan) განცხადებით, კრიპტოვალუტის ბაზრის მდგომარეობა მომდევნო რამდენიმე კვირაში საცალო ინვესტორების განწყობასა და ქცევაზე იქნება დამოკიდებული.

ექსპერტის თქმით, წლის დასაწყისში სოციალურ ქსელებში ტრეიდერებისა და ინვესტორების განწყობა კვლავაც დადებითია. ძირითადი კრიპტოვალუტების ფასების კლების მიუხედავად, ბაზრის ზრდის ტენდენციის რწმენა კვლავაც შენარჩუნებულია.

„ბაზრის შემდგომი ზრდა დამოკიდებულია საცალო ინვესტორებზე და იმ სტრატეგიაზე რომელსაც ისინი აირჩევენ : დაგროვების ან გაყიდვის სტრატეგიაზე.“ – განმარტავს კვინლივანი.

იმ შემთხვევაშიც კი, თუ დადებითი მოლოდინები შენარჩუნდა, ტრეიდერები კაპიტალის მოფრთხილებას მანამ მიანიჭებენ უპირატესობას, სანამ წამყვანი კრიპტოვალუტა 85,000 $-ის საკვანძო ნიშნულზე შენარჩუნების უნარს არ დაადასტურებს.

ასეთ გარემოში კრიპტოვალუტის ბაზარი ნებისმიერი სიახლის მიმართ მგრძნობიარე იქნება და ფასების მკვეთრი რყევები ფუნდამენტური ცვლილებების არარსებობის შემთხვევაშიც კი იქნება მოსალოდნელი. კვინლივანის ვარაუდით, ბიტკოინის კურსის მოულოდნელად 80,000 დოლარამდე ვარდნა  მცირე ინვესტორების იმედგაცრუებას გამოიწვევს.

კვინლივანისგან განსხვავებული შეხედულება აქვს საინვესტიციო ბანკ Cantor Fitzgerald-ის ანალიტიკოსს ბრეტ ნობლოუს (Brett Knoblaux). მისი განცხადებით, კრიპტობაზრის მომავალ განვითარებას არა საცალო ტრეიდერები და მცირე ინვესტორები, არამედ ინსტიტუციონალური მოთამაშეები განსაზღვრავენ.

წყარო: https://www.youtube.com/watch?v=SS03sGwoG3U