ტრამპმა კრიპტოსაბჭოს აღმასრულებლად ყოფილი ფეხბურთელი დანიშნა

ტრამპმა კრიპტოსაბჭოს აღმასრულებლად ყოფილი ფეხბურთელი დანიშნა

აშშ-ის ახლად არჩეულმა პრეზიდენტმა დონალდ ტრამპმა თავის ახალ ადმინისტრაციაში ციფრული ვალუტის მრჩეველთა საბჭოს აღმასრულებელი დირექტორის თანამდებობაზე 29 წლის ყოფილი ფეხბურთელი ბო ჰაინსი დანიშნა.

დონალდ ტრამპის თქმით, ბო ჰაინსი (Bo Hines) ციფრული აქტივების ინდუსტრიას დაეხმარება აშშ-ს ტექნოლოგიური პროგრესის საფუძველი გახდეს.

„ბო ჰაინსი ციფრული ვალუტის საკითხებში პრეზიდენტის მრჩეველთა საბჭოს („კრიპტოსაბჭო“) აღმასრულებელი დირექტორი გახდება . ესაა ახალი საკონსულტაციო ჯგუფი, რომელიც კრიპტო ინდუსტრიის კორიფეებისგან იქნება შემდგარი და მას „კრიპტო მეფე“ დევიდ საქსი უხელმძღვანელებს. ის ციფრული აქტივების სივრცეში ინოვაციებსა და ზრდის ხელშეწყობაზე იმუშავებს და ინდუსტრიის ლიდერებისთვის წარმატებისთვის საჭირო რესურსებს უზრუნველყოფს.“ – თქვა ტრამპმა.

ბო (რობერტ) ჰაინსი იელის უნივერსიტეტისა და უეიკ-ფორესტის უნივერსიტეტის სამართლის სკოლის კურსდამთავრებულია. კოლეჯის პერიოდში ის ფეხბურთს ჩრდილოეთ კაროლინას ვოლფპაკსა და იელ ბულდოგში თამაშობდა. 2022 წელს ჰაინსმა აშშ-ს წარმომადგენელთა პალატაში ჩრდილოეთ კაროლინადან იყარა კენჭი.

დონალდ ტრამპმა ხელოვნური ინტელექტის მიმართულების დეპარტამენტის უფროსად ვენჩურული კომპანია Andreessen Horowitz-ის გენერალური პარტნიორი შრიამ კრიშნანი (Sriram Krishnan) დანიშნა. ის „კრიპტო მეფე“ დევიდ საქსთან ერთად იმუშავებს.

მანამდე თეთრი სახლის ახალ ადმინისტრაციასა და პრეზიდენტს კრიპტოვალუტების სფეროში აშშ-ს საჯარო პოლიტიკის საკითხებში საკუთარი კონსულტაცია MicroStrategy-ის დირექტორთა საბჭოს თავმჯდომარემ მაიკლ სეილორმა (Michael Saylor) შესთავაზა.