ალტკოინების ბაზარი კიდევ 70%-ით დაეცემა

მაიკ ნოვოგრაცი: ალტკოინების ბაზარი კიდევ 70%-ით დაეცემა

Galaxy Digital-ის აღმასრულებელმა დირექტორის განცხადებით, აშშ-ს ფედერალური რეზერვის პოლიტიკისა და „დათვების ტრენდის“ გათვალისწინებით, ბაზარი ალტკოინების კიდევ ერთი მნიშვნელოვანი ვარდნის მოლოდინშია.

მაიკ ნოვოგრაცმა (Mike Novogratz) Twitter-ზე  დაწერა, რომ შესაძლოა ალტკოინები მნიშვნელოვან დევალვაციას დაექვემდებარონ  და ღირებულების ნახევარზე მეტი დაკარგონ. ბიზნესმენის თქმით, ის ფაქტიც კი, რომ ალტკოინების ფასები მათ ისტორიულ მაქსიმუმთან შედარებით უკვე ისედაც საგრძნობლად დაეცა, მათ გაუფასურებისგან ვერ იხსნის.

„ალტერნატიული კრიპტოვალუტები მათ ისტორიულ მაქსიმუმთან შედარებით უკვე 80%-ით დაეცა. 2017 წელს მათი მაქსიმუმიდან ვარდნა  95%-ზე მეტი იყო.

ჩვენ კიდევ 70%-იან ვარდნას უნდა ველოდოთ. ვფიქრობ, ალტკოინების ყიდვა ფსკერზე სახიფათოა და თუ ამას აკეთებთ, კრიპტოვალუტების რაოდენობა პორტფელში თანდათან უნდა გაზარდოთ.“

მილიარდერი მთლიან ფინანსურ ბაზართან დაკავშირებით პირქუშ პროგნოზებს აკეთებს. მისი ვარაუდით, კრიპტო აქტივების ფასის კლება დიდი ხნის განმავლობაში გაგრძელდება:

„რისკების მოდელირების პრობლემა იმაშია, რომ ბოლო სამი ათწლეულის მანძილზე ყველა სტრესული ფაქტორი, რამაც მინიმუმამდე მიგვიყვანა, ფედერალური რეზერვის პოლიტიკის შერბილების პირობებში წარმოიშვა. ჩვენ ჯერ კიდევ გამკაცრების ციკლის ადრეულ ეტაპზე ვართ. ეს კი იმას ნიშნავს, რომ ნაკლებად უნდა ვენდოთ ტრადიციულ მოდელებს და ინტუიციასაც კი.“

 მიუხედავად ბაზარზე „დათვების ტრენდის“არსებობისა, მილიარდერი ოპტიმიზმს ინარჩუნებს და მიიჩნევს, რომ კრიპტოვალუტის ბაზრები საბოლოოდ აღდგება.

Bloomberg Intelligence-ის ერთ-ერთი სტრატეგის მაიკ მაკგლონის (Mike McGlone) განცხადებით, საფონდო ბაზრის ვარდნის გამო ყველაზე მეტად ბიტკოინი დაზარალდება.