ალტკოინები ისტორიაში ყველაზე დიდ ვარდნას განიცდიან
კომპანია Glassnode-ის ანალიტიკოსების ცნობით, ბოლო ორი კვირის მანძილზე ალტკოინების საბაზრო კაპიტალიზაცია 234 მილიარდი დოლარით შემცირდა და ისტორიაში ერთ-ერთი ყველაზე დიდი ფასის ვარდნა განიცადა.
Glassnode-ის ინფორმაციით, კლება ალტკოინების ბაზრის ყველა სექტორს შეეხო. ამასთან, ცალკეული აქტივების დინამიკაში სხვაობა მინიმალური იყო, რაც ფართომასშტაბიან გაყიდვებზე მიუთითებს.
„ალტკოინებმა ისტორიაში ყველაზე დიდი ვარდნა განიცადეს, რადგან ბაზრის გარემო სულ უფრო რთული ხდება. მონეტებზე ზეწოლამ და მაღალმა ვოლატილობამ შესაძლოა ბაზრის შემდგომ დინამიკაზე გავლენა მოახდინოს.“
ამ ფონზე ბიტკოინმა შედარებითი სტაბილურობა აჩვენა – პირველი კრიპტოვალუტის ფასი გასულ კვირას 93 000 დოლარამდე დაეცა, შემდეგ 102 000 დოლარამდე გაიზარდა და ახლა დაახლოებით 97 000 დოლარს შეადგენს, იტყობინებიან Glassnode-ის ექსპერტები.
ანალიტიკოსები აქტივის ცვალებადობას მაკროეკონომიკურ ფაქტორებს უკავშირებენ. მათ შორის აშშ-ს ახალი სავაჭრო ტარიფების შემოღებასა და დოლარის გამყარებას.
ბიტკოინის მოკლევადიანი მფლობელებისთვის შესყიდვის საშუალო ფასი 92,200$-ს შეადგენს, რაც შესაძლოა BTC-ის ფასის შემდგომი დინამიკის განმსაზღვრელი ნიშნული იყოს.
ცოტა ხნით ადრე, კომპანია Abra Global-ის აღმასრულებელმა დირექტორმა ბილ ბარჰიდტმა (Bill Barhydt) გამოაქვეყნა პროგნოზი, რომლის მიხედვითაც, ამერიკის ეკონომიკაზე ლიკვიდობის დიდმა გავლენამ შესაძლოა ბიტკოინისა და ძირითადი ალტკოინების ზრდას ბიძგი მისცეს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)