არგენტინაში ინფლაციამ კრიპტო ბარათების ბუმი გამოიწვია
არგენტინაში რეკორდულმა ინფლაციამ კრიპტო საკრედიტო ბარათების ბუმი გამოიწვია.
არგენტინული კრიპტოვალუტის ბირჟა Lemon Cash ადგილობრივ მოსახლეობაში გაზრდილი მოთხოვნის ფონზე პესოსა და ბიტკოინში დენომინირებული 3 მილიონი ერთეული საკრედიტო ბარათის გამოშვებას გეგმავს.
Bloomberg-ის ცნობით, არგენტინის ეკონომიკის წლიურმა ინფლაციამ 50%-ს მიაღწია. მოსალოდნელია, რომ წლის ბოლომდე ინფლაცია 55%-ს მიაღწევს. ამან უკვე გამოიწვია პანიკა ქვეყნის მოქალაქეებში, რომლებმაც მზარდი რისკების დასაცავად ახალი ფინანსური ინსტრუმენტების ძებნა დაიწყეს.
ისინი მიიჩნევენ, რომ კრიპტო აქტივებში ინვესტიცია უფრო მომგებიანია, ვიდრე უძრავ ქონებასა და ძვირფას ლითონებში თანხის დაბანდება.
მნიშვნელოვანი ფაქტორი, რომელიც კრიპტოვალუტების პოპულარობაზე გავლენას ახდენს, ანონიმური ტრანზაქციების განხორციელების შესაძლებლობაა.
ამ გზით, ადამიანები ცდილობენ ხელისუფლების პოტენციური შეზღუდვები აირიდონ და არგენტინის მთავრობის მიერ გატარებულ მონეტარულ პოლიტიკაზე არ იყონ დამოკიდებული.
2021 წლის ნოემბერში, Visa-ს კრიპტოვალუტის საკრედიტო ბარათების ამოქმედების დღეს, არგენტინულმა კრიპტო ბირჟამ Lemon Cash მომხმარებლებს ერთდროულად 100 000 ბარათი მიაწოდა.
მზარდი ფინანსური კრიზისის პირობებში, კრიპტოვალუტის ბირჟა დამატებით თითქმის 3 მილიონი ბარათის გამოშვებას გეგმავს.
არგენტინაში ფინანსური მდგომარეობის გაუარესება იმაზე მიუთითებს, რომ ყველა ეს ბარათი მალე მოთხოვნადი გახდება.
„კომპანიის მისიაა, არგენტინა ბიტკოინით გაავსოს და ხალხს მომავლის სამყაროში შესვლის შესაძლებლობა მისცეს.“
2022 წლის თებერვლის დასაწყისში, Binance-მა უკრაინაში გრივნის კონვერტაციის მქონე კრიპტოვალუტის ბარათის გამოშვების გეგმების შესახებ განაცხადა. გასული წლის ივლისში კი, Deserve-მა კრიპტო აქტივების ფინანსური სერვისების პროვაიდერ BlockFi-სთან ერთად Visa სისტემის საკრედიტო ბარათი გამოუშვა.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)