არც ტრამპი და არც ჰარისი კრიპტო ინდუსტრიას სარგებელს არ მოუტანენ

არც ტრამპი და არც ჰარისი კრიპტო ინდუსტრიას სარგებელს არ მოუტანენ

Cardano-ს დამფუძნებლის, ჩარლზ ჰოსკინსონის მოსაზრებით, აშშ-ს პრეზიდენტობის ორივე კანდიდატი – როგორც რესპუბლიკელი დონალდ ტრამპი, ისე დემოკრატი კამალა ჰარისი – არ არიან მზად კრიპტო ინდუსტრიის განვითარებაში სერიოზულად ჩაერთონ.

ჩარლზ ჰოსკინსონის (Charles Hoskinson) განმარტებით, არცერთ კანდიდატს არ აქვს საკმარისი ცოდნა კრიპტოვალუტის შესახებ, ამიტომ ისინი შეერთებულ შტატებში ინდუსტრიული კომპანიებისთვის ხელსაყრელი პირობების შექმნას ვერ შეძლებენ.

ჰოსკინსონის პროგნოზით, დონალდ ტრამპის კადრების რეკორდული გადინება მას ციფრული აქტივების განვითარებისთვის მთავრობაში სწორი ადამიანების მოყვანაში ხელს შეუშლის, ხოლო თუ ნოემბრის არჩევნებში კამალა ჰარისი გაიმარჯვებს, ის ჯო ბაიდენის ადმინისტრაციის ანტიკრიპტოვალუტის პოლიტიკას გააგრძელებს.

„ტრამპმა კრიპტოსესხების პლატფორმა World Liberty Financial აამოქმედა და როგორც ინდუსტრიის მონაწილეს ეს მაშინებს. ამის გამო დემოკრატები ტრამპს დაუპირისპირდებიან, რადგან მემარცხენეებს სძულთ ყველაფერი, რასაც ტრამპი აკეთებს. იმის ნაცვლად, რომ კრიპტოვალუტებმა ორპარტიული მხარდაჭერა მიიღონ, ტრამპმა კრიპტოაქტივები ერთპარტიულად აქცია.“- ამბობს ჰოსკინსონი.

Cardano-ს დამფუძნებლის აზრით, ადგილობრივი არჩევნები ბევრად უფრო მნიშვნელოვანია, ვიდრე საპრეზიდენტო, ვინაიდან კრიპტო კომპანიებს სენატორებთან უფრო ეფექტური ურთიერთობის შესაძლებლობა აქვთ.

ჰოსკინსონის თქმით, მას რამდენჯერმე მეტად პროდუქტიული საუბარი რესპუბლიკელ სენატორებთან ტიმ სკოტთან (Tim Scott) და სინტია ლამისთან (Tim Scott), ასევე დემოკრატ სენატორ რონ უაიდენთან (Ron Wyden) ჰქონდა.