FTX-ის აღმასრულებელმა დირექტორმა კრიპტობირჟის შესაძლო აღდგენაზე ისაუბრა
FTX-ის აღმასრულებელი დირექტორის განცხადებით, კლიენტებისთვის თანხების დაბრუნებისა და კომპანიის რესტრუქტურიზაციის ერთ-ერთ ვარიანტად, სავაჭრო პლატფორმის აღდგენის შესაძლებლობის შესწავლა მიმდინარეობს.
გაკოტრებული კრიპტო ბირჟის აღმასრულებელმა დირექტორმა ჯონ რეიმ (John Ray) მედიას სავაჭრო პლატფორმის შესაძლო აღორძინების განზრახვის შესახებ განუცხადა.
რეის თქმით, კომპანიის ძირითადი პლატფორმის, FTX.com-ის ხელახალი ამოქმედების მიზნით მან სამუშაო ჯგუფი შექმნა.
აღმასრულებელი დირექტორი აპირებს გაარკვიოს, იქნება თუ არა კლიენტებისთვის პლატფორმის აღდგენა უფრო ღირებული, ვიდრე მისი გუნდის მიერ პლატფორმის გაყიდვა ან აქტივების ლიკვიდაცია.
„ჩვენ ბევრ დაინტერესებულ მხარესთან ვთანამშრომლობთ, რომლებსაც პოტენციურად სიცოცხლისუნარიანი ბიზნესის განსაზღვრა შეუძლიათ. თუ ეს გზა წარმატებამდე მიგვიყვანს, ჩვენ ამას გავაკეთებთ.“- განაცხადა ჯონ რეიმ.
კრიპტოვალუტის ბირჟის შესაძლო ხელახალი ამოქმედების შესახებ ჭორების ფონზე, ხუთშაბათს, 19 იანვარს, პლატფორმა FTT-ს ძირითადი ტოკენი თითქმის 30%-ით გაიზარდა და TradingView-ს მონაცემების თანახმად, მისმა კურსმა 2.56$ შეადგინა.
გასულ კვირას FTX-ის ხელმძღვანელმა ბირჟის კრედიტორთა კომიტეტს დროებითი ადმინისტრაციის მიერ აქტივების დასაბრუნებლად გატარებულ ზომებზე ანგარიში ჩააბარა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)