აშშ-ის ხელისუფლება ადრე თუ გვიან კრიპტოვალუტებს გაანადგურებს

აშშ-ის ხელისუფლება ადრე თუ გვიან კრიპტოვალუტებს გაანადგურებს 

მილიარდერი, რომელმაც  ქონება სამთო ინდუსტრიაში ინვესტიციებზე დააგროვა, სცადა დაერწმუნებინა კრიპტო ინვესტორები, რომ ინვესტირება ოქროში სჯობს.

ფრენკ ჯუსტრას (Frank Giustra) ვარაუდით, აშშ-ს მთავრობა იურისდიქციის განვითარებას საკუთარი ბლოკჩეინიდან გამომდინარე  გეგმავს.

„ვფიქრობ, აშშ-ს ხელისუფლებას ნამდვილად სურს ბლოკჩეინის კუთხით პლანეტაზე მოწინავე იყოს, მაგრამ არა ბიტკოინის, არამედ სახელმწიფო საკუთრებაში არსებული ციფრული ვალუტის, რომლის სრულ კონტროლსაც შეძლებენ. ამიტომ, ისინი აპირებენ შექმნან საკუთარი ცენტრალური ბანკის ციფრული ვალუტა. ისევე როგორც ყველა სხვა სახელმწიფოს, მათ ბიტკოინის კონკურენცია  არ სჭირდებათ. ამიტომ, მე ბიტკოინს ვუყურებ როგორც სუვერენული ფიატური ფულის წინააღმდეგ თამაშს.“

ჯუსტრას აზრით,  ბიტკოინს არ აქვს შანსი  მსოფლიოს მთავრობებს წინააღმდეგობა გაუწიოს, რადგან ის სახელმწიფო ციფრული ვალუტისთვის რისკის შემცველია.

„თუ თქვენ ინვესტირებას  ძვირფას ლითონებში გააკეთებთ, მთავრობა მათ ვერ წაგართმევთ, როდესაც ის ციფრულ სამყაროში არსებულ მის მიერ არაკონტროლირებად ყველა აქტივს გაანადგურებს.“

მილიარდერმა განმარტა, რომ კრიპტოვალუტაში ინვესტიციას სწორედ ამიტომ არ დებს და ფულის შენახვა ოქროში ურჩევნია.

გასულ თვეში, ამერიკული კვლევითი ცენტრის Bitcoin Policy-ის ანალიტიკოსებმა აშშ-ს ხელისუფლებას მოუწოდეს, სახელმწიფო კრიპტოვალუტის განვითარებაზე უარი სტეიბლკოინებისა და ბიტკოინის გამოყენების სასარგებლოდ თქვან. კრიპტოვალუტის კომპანია Abra-ს აღმასრულებელმა დირექტორმა ბილ ბარჰიდტმა (Bill Barhydt),  2019 წელს განაცხადა, რომ აშშ-ს ხელისუფლება ბიტკოინის აკრძალვას  ვერ შეძლებდა, რადგან ის დაცულია აშშ-ს კონსტიტუციით.