აშშ-მ რუსული კრიპტო პლატფორმების წინააღმდეგ ახალი სანქციები დააწესა

აშშ-მ რუსული კრიპტო პლატფორმების წინააღმდეგ ახალი სანქციები დააწესა

აშშ-ს იუსტიციისა და ფინანსთა სამინისტროებმა, ასევე აშშ-ს საიდუმლო სამსახურმა ფინანსურ დანაშაულებათა წინააღმდეგ ბრძოლის ქსელისა და ჰოლანდიის პროკურატურასთან (FinCEN) თანამშრომლობით რუსული კრიპტო პლატფორმების Cryptex და PM2BTC-ის წინააღმდეგ სანქციები დააწესეს. სამართალდამცავმა უწყებებმა PM2BTC-ისა და Cryptex-ის დომენებისა და ინფრასტრუქტურის ჩამორთმევა მოახდინეს.

აშშ-ს ხელისუფლების განცხადებით, Cryptex და PM2BTC გამომძალველი პროგრამების შემქმნელებისა და სხვა ორგანიზებული დანაშაულებრივი ჯგუფებისგან მიღებული ფულის გათეთრებაში მონაწილეობდნენ.

FinCEN-ის ინფორმაციით, PM2BTC-ის დამუშავებული კრიპტო ტრანზაქციების მინიმუმ 50% უკანონო საქმიანობას მოიცავდა. როგორც უწყება იტყობინება, სერვისი „არაერთი ფინანსური ინსტიტუტის“ მხარდაჭერით მომხმარებელთა ვერიფიკაციის სტანდარტების დარღვევით უკვე აშშ-ს სანქციების პირობებში ციფრული აქტივების რუბლზე გაცვლას ეწეოდა.

FinCEN-მა გამოაქვეყნა PM2BTC-ის მეშვეობით შესრულებული ტრანზაქციების მოცულობა, რომლებიც დაკავშირებული იყო :

დარკნეტ მარკეტფლეისებთან Hydra (41 361 დოლარი), Ferum Shop (3,45 მილიონი დოლარი) და სხვა უკანონო ონლაინ ბაზრებთან ($600 000).

ბირჟა Garantex- თან (300000$);

კრიპტოვალუტის გაცვლის სერვის Bitzlato -თან (გამავალი და შემომავალი ტრანზაქციების ჯამურმა მოცულობამ 695,000-ზე მეტი შეადგინა)

ბოტნეტ Trickbot-თან (ჯამში 4.2 მილიონი დოლარის გადარიცხვა).

აშშ-ს სახაზინო დეპარტამენტის განცხადებით, Cryptex სენ ვინსენტსა და გრენადინებში საერთაშორისო გადახდის სერვისის პროვაიდერის სახელწოდებითაა დარეგისტრირებული. ის რუსეთის საბანკო სტრუქტურებთან მჭიდრო თანამშრომლობით ფინანსურ მომსახურებას კიბერკრიმინალთა ჯგუფებისთვის ეწევა.

სერვისის მეშვეობით შესაძლოა გამომძალველ პროგრამებთან დაკავშირებული არანაკლებ 51.2 მილიონი დოლარის და დარქნეთ მარკეტფლეისებთან, მიქსერებთან და სანქცირებულ Garantex-თან დაკავშირებული 720 მილიონი დოლარი გადაადგილებულიყო – განაცხადეს სამინისტროს წარმომადგენლებმა.

აშშ-ის სახელმწიფო დეპარტამენტმა 10 მილიონამდე დოლარის ჯილდო რუსეთის მოქალაქე სერგეი ივანოვის ადგილსამყოფელის შესახებ ინფორმაციისთვის დააწესა, რომელიც Cryptex-ისა და PM2BTC-ის ადმინისტრატორად ითვლება. ივანოვს ბრალად 20 წლის განმავლობაში კრიმინალური ჯგუფებისთვის რამდენიმე ასეული მილიონი დოლარის კრიპტოვალუტის გათეთრება ედება.