აშშ-ს საზღვაო ძალებში მომსახურე ცოლ-ქმარს ბრალი 9000 ადამიანის პირადი მონაცემების მოპარვასა და შემდგომში 160000$-ს ღირებულების ბიტკოინზე გაყიდვაში ედება.
აშშ-ს იუსტიციის სამინისტროს ცნობით, ნატაშა ჩალკმა (Natasha Chalk) და მარკიზ ჰუპერმა (Marquis Hooper) ბოროტად გამოიყენეს თანამდებობრივი უფლება-მოსილება და თაღლითური გზით მოიპოვეს წვდომა მონაცემების დახურულ ბაზაზე, რომელიც მილიონობით ადამიანის პირად მონაცემებს ინახავს. კომპანია, რომელიც მონაცემთა ბაზას განაგებს, ინფორმაციაზე წვდომას აძლევს მხოლოდ სამთავრობო დაწესებულებებს, სამართალდამცავ ორგანოებს ეჭვმიტანილთა ძებნისას და ბანკებს, ანგარიშების რეგისტრაციისას ინფორმაციის დასადასტურებლად.
2018 წლის აგვისტოში ჰუპერმა ბაზით სარგებლობა თაღლითურად მოახერხა. მან ინფორმაცია აშშ-ს სამხედრო-საზღვაო ძალების სახელით, სამხედრო-საზღვაო ფლოტის პირადი შემადგენლობის მონაცემთა შემოწმების საბაბით მოიპოვა. ორი თვის განმავლობაში ჰუპერმა და მისმა მეუღლემ შეძლეს ბიტკოინებზე გაეყიდათ 9000-მდე ადამიანის პირადი ინფორმაცია, რომელიც შედეგად ანგარიშებიდან ფულის მითვისებისთვის შეიძლება ყოფილიყო გამოყენებული. აშშ-ს იუსტიციის სამინისტროს ცნობით, 2018 წლის ნოემბერში, არიზონის შტატის მოქალაქე, ჰუპერისგან მოწოდებული მონაცემების გამოყენებით, სხვისი ანგარიშიდან თანხის მოხსნას შეეცადა.
2018 წლის დეკემბერში ჰუპერს ბაზის მონაცემებზე წვდომა შეუჩერეს. სამი თვის შემდეგ ის კვლავ ეცადა წვდომა აღედგინა, მაგრამ უშედეგოდ. გასულ კვირას პროკურატურამ მეუღლეებს ბრალი თაღლითობისა და დამამძიმებელ გარემოებებში პირადი მონაცემების ქურდობისთვის წარუდგინა. ცოლ-ქმარს 20 წლამდე პატიმრობა ემუქრება.
შეგახსენებთ, რომ გასულ წელს კრიპტოვალუტის ბირჟის ShapeShift უფროსმა დეველოპერმა აზამატ მუხიდინოვმა ასევე ბოროტად გამოიყენა სამსახურეობრივი მდგომარეობა – ShapeShift-ის ინფრასტრუქტურასთან წვდომის მეშვეობით მან 90 ბიტკოინის ქურდობა მოახერხა.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)