აშშ-ს კრიპტო რეზერვში მხოლოდ ბიტკოინი უნდა იყოს

აშშ-ს კრიპტო რეზერვში მხოლოდ ბიტკოინი უნდა იყოს

კრიპტოვალუტის ბირჟა Coinbase-ის აღმასრულებელი დირექტორის ბრაიან არმსტრონგის (Brian Armstrong) აზრით, უკეთესი იქნება თუ აშშ-ს კრიპტო რეზერვს მხოლოდ პირველი კრიპტოვალუტა შეადგენს.

არმსტრონგმა სოციალურ ქსელ X-ში სახელმწიფო რეზერვის სტრუქტურირების ორი პოტენციური სტრატეგია გამოაქვეყნა. პირველი მხოლოდ ოქროს თანამედროვე ეკვივალენტზე – ბიტკოინზე ფოკუსირებას გვთავაზობს. ეს კრიპტოვალუტის ბაზარზე მთავრობის ჩარევას შეამცირებს და ბიტკოინის, როგორც დაგროვების საშუალების პოზიციებს გააძლიერებს.

მეორე სტრატეგია მოიცავს კრიპტო აქტივების ინდექსის შექმნას მათი საბაზრო კაპიტალიზაციის საფუძველზე. მაგალითად, თუ ბიტკოინი კრიპტო ბაზრის 50%-ს შეადგენს, ხოლო Ethereum 20%-ს, მაშინ სახელმწიფო რეზერვში არსებული კრიპტოაქტივები ამ მაჩვენებლების პროპორციულად გადანაწილდება. თუმცა, არმსტრონგის თქმით, პირველი ვარიანტის განხორციელება ბევრად უფრო ადვილი იქნება.

ცოტა ხნის წინ, აშშ-ს პრეზიდენტმა დონალდ ტრამპმა აღმასრულებელი ბრძანება გამოსცა სტრატეგიული რეზერვის შექმნის შესახებ, რომელიც BTC, ETH, SOL, ADA და XRP-ს მოიცავს. ზოგიერთი კრიპტო ენთუზიასტი ამ ნაბიჯს სკეპტიციზმით შეხვდა. მაგალითად, BitMEX-ის თანადამფუძნებელ არტურ ჰეისს (Arthur Hayes) ეჭვი ეპარება, რომ აშშ-ს მთავრობა კრიპტოვალუტების დიდი ოდენობით შესყიდვის დაფინანსებას კონგრესის თანხმობის გარეშე შეძლებს.

მანამდე, Coinbase-ის მენეჯმენტმა აშშ-ს მარეგულირებლებს მოუწოდა, ბანკებს კრიპტო ტრეიდერებისა და ინდუსტრიის კომპანიებისთვის მომსახურების გაწევის, ხოლო ფინანსურ ინსტიტუტებს ციფრულ აქტივებთან მუშაობის ნება დართონ.