აშშ-ს მთავრობა ბიტკოინის ერთ-ერთი უმსხვილესი მფლობელია

აშშ-ს მთავრობა ბიტკოინის ერთ-ერთი უმსხვილესი მფლობელია

კომპანია 21Shares-ის ანგარიშის მიხედვით, აშშ-ის ფედერალური მთავრობა ფლობს 205,515 BTC-ს, რომელთა ღირებულება 5,66 მილიარდ დოლარს შეადგენს.

21Shares-ის ანალიტიკოსების ცნობით, ბიტკოინის ამხელა მოცულობა  პრეზიდენტის ოფისსა და აშშ-ს ფედერალური სააგენტოების განკარგულებაში აქტივების კონფისკაციის რამდენიმე გახმაურებული შემთხვევის შედეგად მოხვდა.

მათ შორისაა 2020 წლის ნოემბერში Silk Road-ის საქმესთან დაკავშირებით ჩამორთმეული 69,369 BTC, ბირჟა Bitfinex-ის გატეხვაში ბრალდებული ილია ლიხტენშტეინისა (Ilya Lichtenstein) და მისი მეუღლის ჰეზერ მორგანისგთვის (Heather Morgan) ჩამორთმეული 94,643 BTC,  ასევე ჯეიმს ჯონგისთვის (James Zhong) ჩამორთმეული 51,326 ბიტკოინი.

შემაჯამებელი ანგარიშის მოსამზადებლად 21Shares-მა კომპანია Dune Analytics-ის მონაცემები გამოიყენა,

რომლებიც ხელისუფლებასთან დაკავშირებული მისამართებიდან განხორციელებული ტრანზაქციების ისტორიას ასახავს.

21Shares-ის ვარაუდით, აშშ-ს მთავრობას შესაძლოა ბიტკოინების ბევრად  დიდი მარაგი ჰქონდეს, რადგან 205,515 BTC რეალურად წარმოადგენს „ქვედა ზღვარს“,

რომელიც მხოლოდ საჯაროდ ხელმისაწვდომ ინფორმაციის წყაროებს ეფუძნება.

კონფისკაციების შედეგად აშშ-ს მთავრობის განკარგულებაში არსებული  ბიტკოინის მარაგი უფრო მცირეა, ვიდრე 643,572 BTC-ისგან შემდგარი Grayscale-ის რეზერვი, თუმცა აჭარბებს Microstrategy-ს კუთვნილ 132,500 BTC-ს და ოდნავ ჩამორჩება Binance-ის ბიტკოინის საფულეს, რომელზეც 248,597 BTC-ია.

სურვილის შემთხვევაში, აშშ-ს ფედერალურ ხელისუფლებას შეუძლია აქტივების ნაწილი სპოტ ბაზარზე გაიტანოს და ამ გზით კაპიტალიზაციის მიხედვით პირველი კრიპტოვალუტის კურსზე მნიშვნელოვნად იმოქმედოს.