აშშ-ს სანქციებს რუსეთი კრიპტოვალუტის ლეგალიზებით აირიდებს
რუსეთი სანქციების არიდებას კრიპტოვალუტის ლეგალიზებით აპირებს.
The New York Times-ის ექსპერტების მოსაზრებით, ციფრული აქტივების გარეშე რუსეთი აშშ-ს სანქციების ზეწოლას ვერ გაუძლებს.
გამოცემის ანალიტიკოსებმა რუსეთის კრიპტოვალუტის ლეგალიზაციისკენ მიმართულ ქმედებებში ამერიკული და ევროპული სანქციების გვერდის ავლისთვის ფინანსური ინსტრუმენტების შექმნის მცდელობა დაინახეს.
„როდესაც 2014 წელს რუსეთის ყირიმში შეჭრის შემდეგ აშშ-მ ამერიკელებს რუსულ ბანკებთან, ნავთობკომპანიებთან და სხვა კომპანიებთან თანამშრომლობა აუკრძალა,
რუსეთის ეკონომიკაზე დარტყმა სწრაფი და დამანგრეველი იყო.
ეკონომისტების აზრით, დასავლეთის ქვეყნების მიერ დაწესებული სანქციები რუსეთს ყოველწლიურად 50 მილიარდი დოლარი უჯდება.
მას შემდეგ, კრიპტოვალუტების და სხვა ციფრული აქტივების გლობალური ბაზარი გაიზარდა, რაც რუსეთისთვის კარგი ამბავია. “
პოდკასტ Orange Pill Bitcoin-ის წამყვანმა ჟურნალისტებს განუცხადა, რომ რუსეთსა და შეერთებულ შტატებს შორის დაპირისპირებაში, ერთ-ერთი ყველაზე მნიშვნელოვანი საკითხი სწორედ ბიტკოინი შეიძლება გახდეს.
აშშ-ს ყოფილი ფედერალური პროკურორი მაიკლ პარკერი, რომელიც ახლა ვაშინგტონში დაფუძნებული იურიდიული ფირმის Ferrari & Associates-ში ფულის გათეთრებისა და სანქციების საწინააღმდეგო ჯგუფს ხელმძღვანელობს აცხადებს, რომ რუსული კომპანიები სანქციების ეფექტის შესამსუბუქებლად დიდი ხანია ემზადებიან.
ის მიიჩნევს, რომ სწორედ ამ მიზეზით აფორმებდნენ რუსი იურიდიული პირები ხელშეკრულებებს თანამშრომლობის მსურველ ყველა კრიპტოვალუტის კომპანიასთან.
„რუსეთს შედეგებზე ფიქრისთვის ბევრი დრო ჰქონდა. გულუბრყვილო იქნება ვიფიქროთ, რომ მათ ეს კონკრეტული სცენარი არ გათვალეს.“
ექსპერტმა ასევე დასძინა, რომ ახლა ამ კომპანიებს კრიპტოვალუტების გამოყენება იმ საერთაშორისო შეთანხმებების გვერდის ავლით შეეძლებათ, რომელთაც აშშ აკონტროლებს.
გასულ წელს, Bloomberg -მა „საიდუმლოს ფარდა ახადა.“ გამომცემლობამ საერთაშორისო ბიზნეს ცენტრ „ფედერაციის თაუერ ვოსტოკის“ ერთ-ერთი შენობის სახით კრიპტოვალუტის განაღდების მსოფლიოში უმსხვილესი ცენტრი გამოავლინა.
ამერიკულ ბიზნესზე კიბერშეტევებში „რუსული კვალის“ აღმოჩენის შესახებ აშშ-ს ხელისუფლების განცხადებების შემდეგ, კიბერუსაფრთხოების კომპანია Recorded Future-მა განაცხადა, რომ გამომძალველთა ფულის ნაწილი „მოსკვა სითის“ გავლით გადის.
ინფორმაციული უსაფრთხოების კომპანია ESET-ის მონაცემებით, კრიპტოვალუტის დანაშაულებათა რაოდენობის მიხედვით რუსეთი მსოფლიო ლიდერია.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)